सौदी मंचावर सलमान खानचा बलुचिस्तान उल्लेख चर्चेत
सलमान खानचा जागतिक मंचावरचा संवाद व्हायरल; पाकिस्तान-बलुचिस्तान चर्चेला उधाण
जॉय फोरम 2025 मध्ये सलमान खानचा भाषणातील उल्लेख ठरला चर्चेचा विषय
सलमान खानच्या वक्तव्याने सोशल मीडियावर खळबळ;चाहते म्हणतात – भाषणात अर्थ दडलेला होता
सौदी अरेबियातील मंचावर सलमान खानचा उल्लेख चर्चेत; बलुचिस्तान संदर्भाने सोशल मीडियावर चर्चा
मुंबई/ ज्ञानप्रवाह न्यूज,ता.२२/१०/२०२५- प्रसिद्ध बॉलीवूड अभिनेता सलमान खान नुकताच सौदी अरेबिया तील जॉय फोरम २०२५ या भव्य कार्यक्रमात सहभागी झाला होता. या कार्यक्रमात त्याने अरब देशांमध्ये हिंदी चित्रपटांची वाढती लोकप्रियता आणि सौदी अरेबियात कार्यरत भारतीयांची संख्या यांचा आवर्जून उल्लेख केला.
कार्यक्रमादरम्यान सलमान खानने आपल्या भाषणात भारत,पाकिस्तान आणि अफगाणिस्तान सोबत बलुचिस्तानचा वेगळा उल्लेख केल्याने सोशल मीडियावर नवा वाद रंगला आहे.या वक्तव्याचा अर्थ सलमानने बलुचिस्तानला स्वतंत्र प्रदेश म्हणून घेतले की फक्त संदर्भ म्हणून उल्लेख केला, हे स्पष्ट झालेले नाही.
ही व्हिडिओ क्लिप सोशल मीडियावर व्हायरल झाली असून याबाबत काही पाकिस्तानी नागरिकांनी नाराजी व्यक्त केली आहे तर बलुचिस्तानमधील काही नेत्यांनी सलमानचे आभार मानले आहेत. त्यांचे म्हणणे आहे की,सौदी अरेबियाच्या भूमीवरून बलुचिस्तानचा उल्लेख होणे हा आमच्यासाठी आनंदाचा क्षण आहे.
या घटनेमुळे सलमान खान पुन्हा एकदा आंतरराष्ट्रीय चर्चेच्या केंद्रस्थानी आला आहे. त्याच्या भाषणातील या विधानाने भारत-पाकिस्तान-बलुचिस्तान या तिन्ही भागातील लोकांमध्ये चर्चेचे नवीन पर्व सुरू केले आहे.
