Pandharpur news: पंढरपूर | ज्ञानप्रवाह न्यूज| दि. १६/०१/२०२६ : शैक्षणिक वर्ष २०२६-२७ मध्ये एमसीए (Master of Computer Applications) या पदव्युत्तर अभ्यासक्रमाच्या प्रवेशासाठी प्रवेशपूर्व परीक्षा देणे अनिवार्य करण्यात आले आहे. यासाठी राज्य सामायिक प्रवेश परीक्षा कक्ष मुंबई यांच्यावतीने घेण्यात येणाऱ्या एमएएच-एमसीए-सीईटी २०२६ या प्रवेश परीक्षेसाठी ऑनलाईन नोंदणी प्रक्रिया बुधवार,दि. ०७ जानेवारी २०२६ पासून सुरू झाली असून मंगळवार,दि.१० फेब्रुवारी २०२६ (रात्री ११.५९ वाजेपर्यंत) चालणार आहे.
पदवी उत्तीर्ण झालेले तसेच पदवीच्या अंतिम वर्षात शिक्षण घेत असलेल्या विद्यार्थ्यांसाठी एमएएच-एमसीए-सीईटी २०२६ साठी ऑनलाईन अर्ज भरण्याची मोफत सुविधा पंढरपूर येथील स्वेरी (SVERI) अभियांत्रिकी महाविद्यालयाच्या एमसीए विभागात उपलब्ध करून देण्यात आली असल्याची माहिती स्वेरीचे संस्थापक व कॉलेज ऑफ इंजिनिअरिंग (ऑटोनॉमस) चे प्राचार्य डॉ.बी.पी.रोंगे यांनी दिली.
एमसीए प्रवेशासाठी अत्यंत महत्त्वाची मानली जाणारी एमएएच-एमसीए-सीईटी २०२६ ही परीक्षा मार्च २०२६ दरम्यान होण्याची शक्यता आहे.या परीक्षेसंदर्भा तील अधिकृत माहिती शासनाच्या संकेतस्थळावर उपलब्ध करून देण्यात आली आहे.
अधिक माहितीसाठी विद्यार्थ्यांनी स्वेरी अभियांत्रिकीच्या प्रवेश प्रक्रियेचे अधिष्ठाता प्रा.उत्तम अनुसे (मो. ९१६८६५५३६५) तसेच एमसीए विभागप्रमुख प्रा.मनसुब शेख (मो. ९०२८९०७३६७) यांच्याशी संपर्क साधावा, असे आवाहन करण्यात आले आहे.
एमएएच-एमसीए-सीईटी २०२६ साठी ऑनलाईन अर्ज प्रक्रिया सुरू; १० फेब्रुवारीपर्यंत मुदत.एमसीए प्रवेशासाठी स्वेरी पंढरपूर येथे मोफत ऑनलाईन फॉर्म भरण्याची सुविधा उपलब्ध.
