२०२७ पासून नव्या कारमध्ये फ्लश डोअर हँडल्सवर बंदी ? चीनचा मोठा सुरक्षा निर्णय
चीनने कार प्रवाशांच्या सुरक्षेसाठी २०२७ पासून इलेक्ट्रिक व फ्लश-टाईप डोअर हँडल्सवर निर्बंध घालण्याचा निर्णय घेतला आहे. जाणून घ्या कारणे व परिणाम.
बीजिंग | प्रतिनिधी- कार प्रवाशांच्या सुरक्षेला प्राधान्य देत चीन सरकारने एक महत्त्वपूर्ण निर्णय घेतला आहे.१ जानेवारी २०२७ पासून नव्या कार मॉडेल्समध्ये इलेक्ट्रिक किंवा फ्लश-टाईप (आतमध्ये लपणाऱ्या) डोअर हँडल्सवर बंदी घालण्याचा प्रस्ताव मांडण्यात आला आहे. या निर्णयामागे अपघाताच्या वेळी उद्भवणाऱ्या सुरक्षेच्या गंभीर समस्या कारणीभूत असल्याचे स्पष्ट करण्यात आले आहे.
चीनमधील सुरक्षा मूल्यांकन अहवालां नुसार अपघात किंवा वाहनातील वीजपुरवठा खंडित झाल्यास इलेक्ट्रिक डोअर हँडल्स कार्यरत राहत नाहीत, त्यामुळे प्रवासी अडकण्याचा धोका वाढतो तसेच बचावकार्याला विलंब होतो.
नव्या वाहनांमध्ये मेकॅनिकल (हाताने उघडता येणारे) डोअर हँडल्स अनिवार्य असतील
इलेक्ट्रिक सिस्टीम बंद असली तरी दरवाजा उघडता येईल अशी मॅन्युअल ओव्हरराईड प्रणाली आवश्यक
आधीच प्रमाणित (Certified) मॉडेल्सना २०२९ पर्यंतची सवलत (Grace Period).हा निर्णय प्रवाशांची सुरक्षितता व आपत्कालीन प्रवेश सुलभ करण्यासाठी चीन हा जगातील सर्वात मोठ्या ऑटोमोबाईल बाजारांपैकी एक असल्यामुळे, या निर्णयाचा परिणाम जागतिक वाहन उद्योगावरही होण्याची शक्यता तज्ज्ञ व्यक्त करत आहेत. भविष्यात इतर देशही अशाच प्रकारचे नियम स्वीकारू शकतात.
