Ayushman Bharat Digital Mission : आता आधारच्या धर्तीवर हेल्थ कार्ड, मिळणार अनेक फायदे, काय आहे योजना? वाचा…


नवी दिल्लीः आरोग्य क्षेत्रात अमूलाग्र बदल घडवण्याच्या उद्देशाने पंतप्रधान नरेंद्र मोदींनी सोमवारी राष्ट्रीय डिजिटल आरोग्य मिशनची (NDHM) – म्हणजेच आयुष्मान भारत डिजिटल मोहीम ( Ayushman Bharat Digital Mission ) लाँच केली. या मोहीमेद्वारे देशातील आरोग्यसेवा क्षेत्रामध्ये डिजिटल वापर वाढवण्याचे लक्ष्य निश्चित करण्यात आले आहे. या योजनेअंतर्गत आरोग्य क्षेत्रातील संबंधितांसाठी एक ऑनलाइन व्यासपीठ तयार करण्याचे सरकारचे उद्दिष्ट आहे. या व्यासपीठावर नागरिकांना त्यांच्या आरोग्यविषयक नोंदी आणि डेटाबेस ठेवण्याबरोबरच संपूर्ण आरोग्यसेवा मिळू शकेल. गेल्या वर्षी १५ ऑगस्टला पंतप्रधान मोदींनी लाल किल्ल्यावरून राष्ट्रीय डिजिटल आरोग्य मोहिमेच्या प्रायोगिक तत्वावरील प्रोजेक्टची घोषणा केली होती. यानुसार ही योजना सहा केंद्रशासित प्रदेशांमध्ये सुरू आहे. आता ही योजना संपूर्ण देशात सुरू करण्यात आली आहे.

गेल्या सात वर्षांपासून देशातील आरोग्य सुविधा बळकट करण्यासाठी जी मोहीम सुरू आहे ती आता एका नवीन टप्प्यात प्रवेश करत आहे. आज एक मोहीम सुरू होत आहे. भारतातील आरोग्यसेवेत क्रांती घडवण्याची ताकद यात आहे, असं पंतप्रधान मोदी म्हणाले.

काय-काय असतील फायदे?

> हेल्थ कार्डमुळे नागरिकांना आपली आरोग्यविषयक सर्व माहिती एका क्लिकवर उपलब्ध होणार आहे. डॉक्टरांकडे जाताना कुठलीही फाइल घेण्याची जाण्याची गरज राहणार नाही. तसंच आपल्याला हव्या असलेल्या देशाच्या कानाकोपऱ्यातील कुठल्याही डॉक्टरकडून उपचार घेता येणार आहेत. डॉक्टरांनाही या हेल्थ कार्डमुळे रुग्णांची सर्व माहिती मिळणार असल्याने उपचार करणं सुलभ होणार आहे.

> दुसऱ्या शहरांमध्ये, हॉस्पिटल्समध्ये हेल्थ कार्ड किंवा युनिक आयडीने आपली कागदपत्र दाखवू शकतात. तसंच संबंधित व्यक्तीला कुठल्या सरकारी योजना योजना लाभ मिळतोय हेही कळेल. रुग्णाला आयुष्मान भारत योजनेनुसार लाभ मिळतोय की नाही, हे ही या कार्डवरून कळणार आहे.

> या योजनेअंतर्गत नागरिकांना आधारच्या धर्तीवर एक युनिक हेल्थ आयडी मिळेल. ‘आयुष्मान भारत – डिजिटल मिशन’मुळे आता देशभरातील रुग्णालये आरोग्यावरील उपचारासांठी डिजिटली एकमेकांशी जोडली जातील. या अंतर्गत नागरिकांना एक डिजिटल हेल्थ आयडी मिळेल. प्रत्येक नागरिकाचे आरोग्य रेकॉर्ड डिजिटली सुरक्षित केले जातील, असं पंतप्रधान मोदींनी सांगितलं.

> भारतात सध्या एका अशा आरोग्य मॉडेलवर काम सुरू आहे, जे सर्वसमावेशक आहे. रोगापासून बचाव करण्यावर भर देणारे मॉडेल, म्हणजे प्रतिबंधात्मक आरोग्यसेवा, सुलभ आणि सर्वांना परवडणारे उपचार मिळू शकतील.

> वैयक्तीक माहिती सुरक्षित, गोपनीय आणि खासगीच राहील, याची पूर्ण दखल यात घेतली जाईल. डेटा किंवा माहितीसाठी एका विस्तृत साखळीद्वारे सहज ऑनलाइन व्यासपीठ तयार करण्यात येईल.

> या मोहिमेअंतर्गत नागरिकांच्या संमतीने आरोग्य नोंदी आणि माहितीची देवाण-घेवाण सुलभ होईल. म्हणजेच, कोणताही नागरिक त्याच्या संमतीने व्यासपीठावर त्याचे आरोग्य रेकॉर्ड बनवू शकतो. यावर त्याला आपल्या नोंदी किंवा डेटाबेस मिळवणं आणि सहज शेअर करण्याचा पर्याय मिळेल.

> प्रत्येक नागरिकासाठी तयार केलेले हेल्थ आयडी हे त्याचे आरोग्य खाते म्हणून काम करेल. यामुळे नागरिकांच्या वैयक्तीक आरोग्य नोंदी केल्या जाऊ शकतात आणि मोबाइल अॅप्लिकेशनच्या मदतीने त्यात बदल किंवा नवीन नोंदणी करून त्या पाहिल्या जाऊ शकतात.

PM मोदींची धडक पाहणी! नव्या संसद भवनच्या बांधकामाच्या ठिकाणी पोहोचले

> या अंतर्गत हेल्थकेअर प्रोफेशनल्सचे रजिस्ट्रेशन (HPR) आणि हेल्थकेअर फॅसिलिटीजचे रजिस्ट्रेशन (HFR) करता येईल. याद्वारे आधुनिक आणि पारंपरिक या दोन्ही औषधांबाबत आरोग्यसेवा देणाऱ्या सर्व संस्थांसाठी एकच डेटाबेस म्हणून काम करतील.

Bharat Bandh: मनापासून शेतकऱ्यांसोबत, संजय राऊत यांनी व्यक्त केला शेतकऱ्यांना पाठिंबा

– डॉक्टरांसाठी आणि आरोग्यसेवा देणारी हॉस्पिटल्स आणि संस्थांसाठी या माध्यमातून व्यवसाय करणं सुलभ होईल.

हेल्थ कार्डमध्ये काय काय असेल?

वैद्यकीय रेकॉर्ड संबंधित सर्व माहिती हेल्थ कार्डमध्ये नोंदवली जाईल. गेल्या वेळी तुम्हाला कुठले औषध दिले होते, त्याचा काय परिणाम झाला हे देखील कळेल. औषध का बदलले? हे उपचारादरम्यान डॉक्टरांना समजण्यास मदत करेल.

हेल्थ कार्ड बनवणं सक्तीचं आहे का?

हेल्थ कार्ड बनवणं अजिबात सक्तीचं नाही. हेल्थ कार्ड बनवायचे की नाही, हे आपल्या इच्छेवर अवलंबून आहे.

कसं आणि कुठे बनवयाचं हेल्थ कार्ड?

सरकारी रुग्णालये, सामुदायिक आरोग्य केंद्र, आरोग्य आणि कल्याण केंद्र किंवा राष्ट्रीय आरोग्य पायाभूत सुविधा नोंदणीशी संलग्न असलेले आरोग्य सेवा केंद्र एखाद्या व्यक्तीसाठी आरोग्य आयडी तयार करू शकतात. याशिवाय तुम्ही https://healthid.ndhm.gov.in/register वर जाऊन स्वतःच नोंदणी करून माहिती भरून आपले हेल्थ कार्ड बनवू शकता. ज्या व्यक्तीचा आयडी तयार करायचे आहे त्याचा सर्वप्रथम मोबाइल नंबर आणि आधार क्रमांक घेतला जाईल. या दोन नोंदींच्या मदतीने एक युनिक हेल्थ कार्ड तयार केले जाईल. यासाठी, सरकार एक हेल्थ अथॉरिटी नेमेल जो त्या वैयक्तिक डेटा गोळा करेल. ज्या व्यक्तीचे हेल्थ आयडी तयार करायचे आहे, त्या व्यक्तीचे आरोग्य रेकॉर्ड गोळा करण्यासाठी हेल्थ अथॉरिटीकडून परवानगी दिली जाईल. या आधारावर पुढील काम केले जाईल.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: