MI v PBKS : मुंबई इंडियन्सची भेदक गोलंदाजी, आता पंजाबविरुद्ध विजय मिळवायलाच हवा…


आबुधाबी : मुंबई इंडियन्सच्या गोलदाजांनी आज अचूक आणि भेदक गोलंदाजी केल्यामुळे संघाला विजयाची आशा निर्माण झाली आहे. मुंबईने यावेळी तिखट मारा करत पंजाबच्या धावसंख्येला वेसण घातली. त्यामुळेच पंजाच्या संघाला मुंबई इंडियन्सपुढे मोठे आव्हान ठेवता आले नाही.

मुंबईने यावेळी नाणेफेक जिंकली आणि प्रथम गोलंदाजी करण्याचा निर्णय घेतला. पंजाबच्या संघाने सावध सुरुवात केली असली तर कृणाल पंड्याने यावेळी मुंबईला पहिले यश मिळवून दिले. कृणालने यावेळी मनदीप सिंगला बाद केले, त्याला १५ धावा करता आल्या. मनदीप बाद झाल्यावर ख्रिस गेल आणि लोकेश राहुल ही भन्नाट जोडी मैदानात होती, पण त्यावेळी कायन पोलार्ड मुंबईच्या मदतीसाठी धावून आला. पोलार्डने पहिल्यांदाच गेलला बाद केले, त्याला फक्त एकच धाव करता आली. गेलनंतर राहुललाही पोलार्डने बाद केले आणि पंजाबला मोठा धक्का दिला. राहुलला यावेळी २१ धावा करता आल्या. ख्रिस गेल आणि राहुलसारखे महत्वाचे फलंदाज बाद झाल्यानंतरही पंजाबला धावफलक हलता राहीला. कारण यावेळी एडन मार्करमने दमदार फलंदाजी करत पंजाबसाठी चांगल्या धावा जमवल्या. पण मुंबई इंडियन्सचा फिरकीपटू राहुल चहरने त्याला बाद केले आणि मुंबईला मोठे यश मिळवून दिले. मार्करमने यावेळी २९ चेंडूंत सहा चौकारांच्या जोरावर ४१ धावांची दमदार खेळी साकारली. त्यामुळे पंजाबला मुंबईपुढे १३६ धावांचे आव्हान ठेवता आहे. हे आव्हान माक दिसत असल्यामुळे मुंबई इंडियन्स आजच्या सामन्यात पराभवाचा दुष्काळ संपवून विजय मिळवेल, असे दिसत आहे.

मुंबईच्या संघाने आज आपल्या संघात दोन बदल केल्याचे पाहायला मिळाले. मुंबई इंडियन्सने आजच्या सामन्यात इशान किशनला बाहेर केले आहे, इशानच्या जागी मुंबईने आपल्या संघात सौरभ तिवारीला स्थान दिले आहे. त्याचबरोबर मुंबईने आपल्या संघात नॅथन कल्टर नाइलचाही समावेश केला आहे. मुंबई इंडियन्सला सातत्याने पराभवाचा सामना करावा लागत आहे. पण आता जर मुंबई इंडियन्सचा पराभव झाला तर त्यांचे आयपीएलमधील आव्हान संपुष्टात येऊ शकते.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: