Live Radio

पंढरपूर विधानसभा पोटनिवडणुकीच्या मतमोजणीसाठी निवडणूक प्रशासन सज्ज Election administration ready for counting of votes in Pandharpur Assembly by-election
पंढरपूर - पंढरपूर मंगळवेढा विधानसभा मतदारसंघातील या पोटनिवडणूकीसाठी 3,40,889 मतदारांपैकी 2,24068 मतदारांनी मतदान केले आहे. मतमोजणीसाठी 118 अधिकारी,कर्मचारी व मदतनीस यांची नियुक्ती केली आहे. 

मतमोजणी रविवार,2 मे 2021 रोजी शासकीय धान्य गोदाम येथे सकाळी आठ वाजलेपासून सुरु होणार आहे.14 टेबलांवर 38 फेऱ्यात मतमोजणी पार पडणार आहे. मतमोजणीसाठी सहा टेबल राखीव ठेवण्यात आले असून टपाली मतदानाची मोजणी दोन टेबलवर होणार आहे. यासाठी दोन टेबल राखीव ठेवण्यात आले आहेत.तसेच 54 अधिकारी ,कर्मचारी व मदतनीस राखीव ठेवण्यात आले आहेत.
मतमोजणी केंद्रात येणाऱ्या प्रत्येक उमेदवारांनी व त्यांच्या प्रतिनिधींनी तसेच इतरांनी कोरोना चाचणी करणे बंधनकारक आहे. ज्यांनी कोरोना चाचणी केली नाही अशा संबधितांसाठी मतदान कक्षा बाहेरील आरोग्य कक्षात चाचणी केली जाईल. तपासणी अहवाल निगेटीव्ह असल्यासच त्यांना मतदान केंद्रात प्रवेश देण्यात येणार आहे. फेरीनिहाय मत मोजणीची आकडेवारी तसेच निकाल सोलापूर आकाशवाणी केंद्रावरुन वेळोवेळी प्रक्षेपित करण्यात येईल.फेरीनिहाय मतमोजणीची आकडेवारी तसेच निकालासाठी वोटर हेल्पलाईन ॲप (Voter Helpline App) चा वापर करुनही पाहता येईल.
मतमोजणीच्या ठिकाणी सीसीटीव्ही लावण्यात आले असून त्यानुसार मतमोजणीवर नजर राहणार आहे.मतमोजणी प्रक्रियेदरम्यान उमेदवार तसेच उमेदवारांचे प्रतिनिधी, अधिकारी, कर्मचारी यांना मोबाईल वापरण्यास बंदी आहे.

 कोरोनाचा वाढता प्रादुर्भाव लक्षात घेता मत मोजणी केंद्रात आरोग्य सुविधा कक्ष,प्रसार माध्यमांना माहिती देण्यासाठी माध्यम कक्ष, आपत्कालीन परिस्थितीत सुरक्षेच्या दृष्टीने अग्निशमन दल तैनात करण्यात आले असल्याची माहिती निवडणूक निर्णय अधिकारी गजानन गुरव यांनी दिली.

Live Sachcha Dost TV

Leave a Reply

Your email address will not be published. Required fields are marked *