तेलंगणा येथील आमदार टी. राजासिंह यांच्या मुक्ततेसाठी सोलापूर येथे हिंदु राष्ट्र जागृती आंदोलन

  • तेलंगणा येथील आमदार टी. राजासिंह यांच्या मुक्ततेसाठी सोलापूर येथे हिंदु राष्ट्र जागृती आंदोलन

          सोलापूर , दि. 22.09.2022 – तेलंगणा येथील प्रखर हिंदुत्वनिष्ठ आमदार टी.राजासिंह यांनी एका पंथाच्या श्रद्धा दुखावल्याप्रकरणी त्यांना अटक झाल्यावर न्यायालयाने जामीन दिला होता; मात्र जिहादी प्रवृत्तीच्या दबावापुढे झुकून तेलंगणातील के.सी.आर. सरकारने त्यांना जुन्या प्रकरणात जाणीवपूर्वक अटक करून त्रास देण्याचा प्रकार चालवला आहे. एकूणच तेलंगणा सरकारची कृती ही पक्षपाती तथा संविधानविरोधी आहे. त्यामुळे केंद्र सरकारने यात हस्तक्षेप करत आमदार टी. राजासिंह यांना संवैधानिक अधिकारांचे रक्षण करण्यासाठी त्यांची मुक्तता करावी, या मागणीसाठी  21 सप्टेंबर 2022 या दिवशी जिल्हा परिषद येथील छत्रपती शिवाजी महाराज प्रवेशद्वार या ठिकाणी सकाळी 11 वाजता  हिंदु राष्ट्र जागृती आंदोलन करण्यात आले. या प्रसंगी माजी नगरसेवक बापू ढगे, अखंड भारत रामराज्य महासंघाचे अर्जुन शिवसिंगवाले, अविनाश मदनावाले, सिताराम मनसावाले, रवि बुहाणपुरे, हिंदु जनजागृती समितीचे राजन बुणगे, विक्रम घोडके यांच्यासह मोठ्या संख्येने हिंदुत्वनिष्ठ संघटनांचे कार्यकर्ते उपस्थित होते.

       या प्रसंगी विविध मान्यवरांनी मनोगत व्यक्त केले. हिंदु जनजागृती समितीचे सोलापूर जिल्हा समन्वयक राजन बुणगे म्हणाले, टी.राजासिंह यांच्यावर ‘पी.डी.ॲक्ट’अंतर्गत त्यांना किमान एक वर्ष तुरुंगात ठेवण्याचा भयंकर कट रचण्यात आला आहे. त्यांना अटक करण्यापूर्वी आणि अटक केल्यानंतर जिहादी प्रवृत्तीच्या धर्मांधांकडून जीवे मारण्याच्या धमक्या दिल्या जात आहेत. तसेच ‘सर तन से जुदा’सारख्या प्रक्षोभक आणि जीवे मारण्याच्या घोषणा देत हिंसक आंदोलने केली गेली. एकूणच टी. राजासिंह यांना तेलंगाणा सरकारकडून न्याय मिळेल, अशी शक्यता दिसत नाही. त्यामुळे त्यांच्यावरील सर्व खटले महाराष्ट्र किंवा कर्नाटक किंवा गोवा या बाजूच्या राज्यांत हस्तांरित करावेत. त्यांना जिहादींकडून धोका असल्यामुळे सुरक्षित ठिकाणी हलवण्यात यावे. तसेच त्यांची जामीनावर सुटका झाल्यानंतर त्यांच्यावर संभाव्य आक्रमणाची शक्यता लक्षात घेता त्यांना आवश्यक ती सुरक्षा पुरवण्यात यावी.’’

Leave a Reply

Your email address will not be published.

%d bloggers like this: