सणासुदीची खरेदी; सोनं स्वस्त होणार की महागणार, जाणून घ्या तज्ज्ञ काय सांगतात…


हायलाइट्स:

  • शेअर बाजारामध्ये प्रचंड तेजी होती आणि सोन्याच्या किंमतीवरही त्याचा परिणाम दिसत होता.
  • सोने खरेदी करावे का असा प्रश्न सध्या अनेकांना पडला आहे.
  • सणासुदीचा हंगाम जवळ आल्याने मागणीही वाढेल आणि किंमतीही वाढण्याची शक्यता आहे.

नवी दिल्ली : सप्टेंबर महिन्यात शेअर बाजारामध्ये प्रचंड तेजी होती आणि सोन्याच्या किंमतीवरही त्याचा परिणाम दिसत होता. कमाॅडिटी तज्ज्ञांच्या मते, सोन्याच्या किंमतीत सप्टेंबरमध्ये ४ टक्क्यांनी आणि ऑगस्ट महिन्यात २ टक्क्यांनी घट झाली आहे. अशा स्थितीत, सोन्याच्या किंमतीतील या घसरणीचा सणासुदीच्या आधी फायदा घ्यावा की, आणखी दर कमी कोसळण्याची शक्यता आहे, असा प्रश्न सध्या अनेकांना पडला आहे.

पँंडोरा पेपर्सनं उडवली जगभरात खळबळ; करचुकव्यांच्या यादीत सचिन तेंडुलकरसह ३०० भारतीय
कमाॅडिटी मार्केट तज्ज्ञांचे म्हणणे आहे की, डॉलर आणि बॉण्ड्सवरील व्याज वाढल्यामुळे सोन्याच्या किमतीवर दबाव वाढला आहे. सध्या असे दिसते की, सोन्याच्या किंमतीवर दबाव कायम राहील. मात्र, कच्च्या तेलाच्या किंमतीत वाढ झाल्यामुळे जगातील महागाई दर वाढेल. अशा स्थितीत सोन्याची मागणी पुन्हा वाढेल आणि किंमतीत वाढ होण्याची शक्यता आहे. अशा स्थितीत ऑक्टोबरच्या तिसऱ्या आठवड्यापासून सोन्याचे भाव वाढण्याचा ट्रेंड पुन्हा सुरू होऊ शकतो. सणासुदीचा हंगाम जवळ आल्याने मागणीही वाढेल आणि किंमतीही वाढण्याची शक्यता आहे.

इंधन महागाईचे चटके ; जाणून घ्या आजचा पेट्रोल-डिझेलचा भाव
काही दिवस दबाव राहणार
एमसीएक्स (MCX)वर डिसेंबरमध्ये डिलिव्हरीसाठी सोने गेल्या आठवड्यात ४६,५०० रुपयांवर बंद झाले. फेब्रुवारी २०२२ मध्ये वितरणासाठी सोने ४६६४४ रुपयांवर बंद झाले. आंतरराष्ट्रीय बाजारात सोने गेल्या आठवड्यात १७६१ डॉलरच्या पातळीवर बंद झाले. सोन्याच्या आउटलुकबाबत आयआयएफएल सिक्युरिटीजचे अनुज गुप्ता म्हणाले की, आंतरराष्ट्रीय बाजारात सोन्याच्या किंमतीवर अजूनही दबाव आहे. जोपर्यंत ते १७५० डॉलरच्या श्रेणीत राहील, तोपर्यंत हा दबाव कायम राहील. १६८० डॉलरवर एक मजबूत समर्थन आहे.

डीमार्टच्या महसुलात वाढ; दुसऱ्या तिमाहीत अव्हेन्यू सुपरमार्टची कामगिरी उंचावली ;
ऑक्टोबरच्या पहिल्या दोन आठवड्यांत दबाव दिसून येईल
अनुज गुप्ता म्हणाले की, ऑक्टोबरच्या पहिल्या दोन आठवड्यांत एमसीएक्स (MCX) वरील सोने ४५५०० च्या पातळीवर जाऊ शकते. तिसऱ्या आठवड्यापासून तेजीला बळकटी येण्याची शक्यता आहे आणि नोव्हेंबर महिन्यात ते ४८००० ते ४८५०० च्या पातळीवर पोहोचू शकते.

सोन्याचा भाव आणखी खाली येईल; सोने दराबाबत जाणकारांनी व्यक्त केला हा अंदाज
दिवाळीपर्यंत सोने ४९ हजारांवर जाणार?
अशा परिस्थितीत ४५-४६ हजारांच्या दरम्यान सोने खरेदी करणे एक स्मार्ट खरेदी ठरेल. पुढील तीन महिन्यांत सोन्याच्या किंमतीत ४ ते ५ हजारांपर्यंत वाढ होण्याची शक्यता आहे. स्वस्तिक इन्व्हेस्टमेंटचे अभिषेक चौहान सांगतात की, दिवाळीपर्यंत सोने ४९ हजारांपर्यंत पोहोचू शकते.

चांदीही वधारणार
एमसीएक्स (MCX) वर चांदीचा बंद भाव (क्लोजिंग) गेल्या आठवड्यात ६०५२५ रुपये होता. पुढील तीन महिन्यांत त्यात सध्याच्या पातळीपासून १० हजारांपर्यंत वधारण्याची शक्यता आहे. गेल्या आठवड्यात मार्च २०२२ च्या डिलिव्हरीसाठी चांदीचा बंद भाव ६०,९६७ रुपये प्रति किलो होता.



Source link

Leave a Reply

Your email address will not be published.

%d bloggers like this: