IPL मधील बेस्ट बॉल; चेंडू असा वळाला की फलंदाजासह सर्व झाले हैराण


नवी दिल्ली: आयपीएलच्या १४व्या हंगामात पंजाब किंग्जचा पराभव करत रॉयल चॅलेंजर्स बेंगळुरूने प्ले ऑफमध्ये स्थान मिळवले. प्रथम फलंदाजी करताना आरसीबीने ग्लेन मॅक्सवेलच्या ३३ चेंडूतील ५७ धावांच्या जोरावर १६४ धावांपर्यंत मजल मारली. उत्तरादाखील चांगल्या सुरुवातीनंतर पंजाबला २० षटकात ६ बाद १५८ धावा करता आल्या.

वाचा-IPL Playoffs: प्ले ऑफसाठीची चुरस कायम; चौथा संघ कोणता? या दिवशी ठरणार

आयसीबीकडून फलंदाजीत मॅक्सवेलने तर गोलंदाजीत युजवेंद्र चहलेने धमाकेदार कामगिरी केली. या सामन्यात चहलने ३ विकेट घेतल्या. यात मयांक अग्रवाल, निकोलस पुरन आणि सरफराज खान यांचा समावेश होता. चहलने या सामन्यात असा एक चेंडू टाकला ज्याची चर्चा सोशल मीडियावर होत आहे.

वाचा- Video: चेंडूच्या मागे फिल्डर नव्हे तर फलंदाज पळत गेला; पाहा IPL मध्ये काय झाले

चहलला भारताच्या टी-२० वर्ल्डकप संघात स्थान देण्यात आलेले नाही. पण आयपीएलच्या दुसऱ्या सत्रात त्याने शानदार कामगिरी केली आहे. पंजाबविरुद्धच्या सामन्यात चहरने सरफराजला बोल्ड केले. त्याचा हा चेंडू आयपीएलमधील सर्वोत्तम चेंडू ठरला.

वाचा- कर्णधाराला वाचवण्यासाठी IPLमधील संघ हा प्रकार करतात; गौतम गंभीरने केला मोठा आरोप

पंजाबच्या डावातील १६वे षटक चहलने टाकले. या षटकातील पाचव्या चेंडूवर चहलने चेंडू अशा पद्धतीने वळवला की सर्वजण हैराण झाले. सरफराजला हा चेंडू कधी आणि कसा वळाला हे कळाले नाही. आयपीएल २०२१ मधील हा सर्वोत्तम चेंडू मानला जात आहे. आयपीएल प्रमाणेच टी-२० वर्ल्डकप युएईमध्ये होणार आहे. चहलची कामगिरी पाहता निवड समिती त्याचा संघात समावेश करतील अशी आशा आहे.



Source link

Leave a Reply

Your email address will not be published.

%d bloggers like this: