Manoj Tiwari: छटपूजेसाठी स्टंटबाजी महागात, भाजप खासदार मनोज तिवारी रुग्णालयात दाखल


हायलाइट्स:

  • राजधानी दिल्लीत सार्वजनिक ठिकाणी छटपूजेवर बंदी
  • भाजप खासदाराची मुख्यमंत्र्यांच्या घरासमोर स्टंटबाजी
  • छटपूजेमुळे करोना संक्रमण फैलावणार नाही, मनोज तिवारी यांचा दावा

नवी दिल्ली : दिल्लीचे मुख्यमंत्री अरविंद केजरीवाल यांच्या घरासमोरच आंदोलनाला बसलेले भाजप खासदार मनोज तिवारी झटापटी दरम्यान जखमी झालेत. त्यांना सफदरजंग रुग्णालयात उपचारासाठी दाखल करण्यात आलंय.

करोनाच्या पार्श्वभूमीवर दिल्लीमध्ये केजरीवाल सरकारनं छटपूजेवर बंदी घालण्याचा निर्णय जाहीर केला होता. यानंतर मनोज तिवारी यांनी मुख्यमंत्र्यांच्या घरासमोरच आंदोलन सुरू केलं. आंदोलनकर्त्यांत दिल्लीचे भाजप अध्यक्ष आदेश गुप्ता यांचाही समावेश होता.

तिवारी यांच्या नेतृत्वाकाली भाजप नेत्यांचा एक गट मंगळवारी मुख्यमंत्र्यांच्या निवासस्थानाबाहेर जमला. या दरम्यान दिल्ली पोलिसांनी मुख्यमंत्र्यांच्या घराबाहेर चारही बाजुंनी बॅरिकेडिंग उभारलं होतं. आंदोलनकर्त्यांना मुख्यमंत्र्यांच्या निवासस्थानाजवळ जाण्यापासून रोखण्याचा पोलीस प्रयत्न करत होते.

याच दरम्यान स्टंटबाजी करत मनोज तिवारी यांनी बॅरिकेडवर चढून सीमा ओलांडण्याचा प्रयत्न केला. यावेळी पोलिसांनी आंदोलकांना पांगवण्यासाठी त्यांच्यावर पाण्याचा मारा केला. यामुळे, मनोज तिवारी बॅरिकेडवरून खाली कोसळले. यावेळी ते बेशुद्ध पडले आणि त्यांना जखमही झाली.

bjp slams congress : भाजपचा राहुल, प्रियांका गांधींवर घणाघात, ‘राजस्थानमधील दलितांना मानवाधिकार नाहीत का?’
Electoral Bonds: निवडणूक बाँडमधून शिवसेनेला १११ कोटी
जखमी झालेल्या मनोज तिवारी यांना उपचारासाठी सफदरजंग रुग्णालयाच्या आपात्कालीन विभागात दाखल करण्यात आल्याची माहिती भाजप नेते नीळकंठ बक्शी यांनी दिली.

छटपूजेवर घालण्यात आलेली बंदी हटवण्यात यावी, अशी मागणी करत मनोज तिवारी यांनी लोकांच्या समर्थनासाठी गेल्या आठवड्याभरापासून ‘छठयात्रे’ची सुरूवात केलीय.

दिल्लीच्या आप सरकारनं सार्वजनिक स्थळांवर छटपूजा उत्सव साजरा करण्याची परवानगी द्यायला हवी. यासाठी कठोर प्रोटोकॉल पाळले जाऊ शकतात. परंतु, थेट बंदी चुकीची आहे. हा लोकांच्या भावनांशी जोडलेला मुद्दा आहे, असं मनोज तिवारी यांचं म्हणणं आहे.

करोना डोळे, नाक आणि तोंडाद्वारे व्यक्तीच्या शरीरात प्रवेश करू शकतो, असं तज्त्रांचं म्हणणं आहे. छट पूजेत भाविक केवळ गुडघ्यापर्यंतच पाण्यात प्रवेश करतात. त्यामुळे नदी किनारी किंवा तलावांमध्ये छट पूजा साजरी केल्यानं करोना संक्रमण फैलावण्याचा धोका नाही, असा दावाही मनोज तिवारी यांनी केला होता.

Covaxin: २ ते १८ वयोगटासाठी ‘कोव्हॅक्सिन’च्या आपात्कालीन वापराला मंजुरी
Coal and Power Crisis: कोळसा संकटात देशवासियांच्या मदतीला रेल्वे धावली!



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: