आमदार रवींद्र धंगेकर यांनी सिपींवर केलेल्या आरोपाला उत्तर देताना म्हणाले या प्रकरणावर माझे बारीक लक्ष

आमदार रवींद्र गंगेकर म्हणाले होते पुणे पोलीस आयुक्तांनी कार क्रॅश अपघातात पैसे घेतले आहेत मात्र अशा पद्धतीने कोणीही बिनबुडाचे आरोप करत असतील तर त्यांना पुरावे हे द्यावेच लागतील – पालकमंत्री अजित पवार

पुणे/ज्ञानप्रवाह न्यूज – पुण्याचे काँग्रेसचे आमदार रवींद्र धंगेकर यांनी सिपीं वर केलेल्या आरोपाला उत्तर देताना पुणे अपघात प्रकरणी राज्याचे उपमुख्यमंत्री आणि पुण्याचे पालकमंत्री अजित पवार यांनी पहिल्यांदाच कॅमेरासमोर बोलताना सांगितले की या प्रकरणावर माझे बारीक लक्ष आहे. आमदार रवींद्र गंगेकर म्हणाले होते पुणे पोलीस आयुक्तांनी कार क्रॅश अपघातात पैसे घेतले आहेत मात्र अशा पद्धतीने कोणीही बिनबुडाचे आरोप करत असतील तर त्यांना पुरावे हे द्यावेच लागतील. उगीच जीभ उचलली आणि लावली टाळाल्या असे होणार नाही.

पुण्यामध्ये मधल्या काळात घटना घडली त्यावेळी वीस तारखेला मी मतदानाच्या शेवटच्या टप्प्यासाठी मुंबईत होतो. 21 व 22 या दोन्ही दिवशी सकाळी नऊ वाजल्यापासून मंत्रालयात होतो.या सगळ्या घटनेच्या संदर्भात मी लक्ष ठेवून होतो. माझं त्या दिवशी उपमुख्यमंत्री तथा गृहमंत्री देवेंद्र फडणवीस यांच्या सोबत बोलणे झाले होते. ते म्हणाले मी तातडीने पुण्याला निघालो आहे. त्याच्यामध्ये त्यांनी लक्ष घालून स्वतः प्रेस घेतली. मात्र कारण नसताना एक अशा प्रकारच्या गैरसमज समाजामध्ये करून दिला जात आहे की या प्रकरणात पालकमंत्र्यांनी लक्ष घातले नाही.मला मीडियाच्या पुढे यायला आवडत नाही. मीडियाच्या अनेकांना माहित आहे की मी माझं काम करीत असतो.

यावेळी इंदापूर मध्ये तहसीलदारांवर झालेल्या हल्ल्याबाबत विचारले असता ते म्हणाले का हल्ला झाला आहे ही बातमी कळल्यानंतर सीपींना सांगितले की याबाबत कोणतीही हयगय करू नका .ज्यांनी कोणी हल्ला केला आहे त्यांच्यावर कडक कारवाई करा. हे हल्लेखोर कोण होते असे विचारल्या नंतर सीपीं म्हणाले वाळू धंद्यातीलच होते.यावर मी म्हणालो की ही वाळू माफिया गॅंग दिसत असून तुम्ही त्यांच्यावर कडक कारवाई करा असेही सांगितल्याचे उपमुख्यमंत्री अजित पवार म्हणाले.

Leave a Reply

Your email address will not be published. Required fields are marked *