लोकसभा निवडणूक 2024 चे अनुषंगाने अवैध शस्त्र, हत्यारे बाळगणार्या इसमांवर कारवाई करण्यावर आदेश
पंढरपूर / ज्ञानप्रवाह न्यूज दि.३०/०३/२०२४ – सोलापुर ग्रामीणचे मा. पोलीस अधिक्षक शिरीष सरदेशपांडे, मा. अप्पर पोलीस अधिक्षक प्रितमकुमार यावलकर यांनी सोलापूर जिल्ह्यात लोकसभा निवडणूक 2024 चे अनुषंगाने अवैध शस्त्र, हत्यारे बाळगणारे इसमांवर कारवाई करण्यावर आदेश दिले होते.
पंढरपूर शहर पोलीस ठाणेचे गुन्हे प्रकटीकरण पथक 29/03/2024 रोजी पोलीस ठाणे हद्दीत पोलीस ठाणे अभिलेखावरील पाहिजे आरोपींचा शोध घेत असताना माहिती मिळाली की, रिया हॉटेल च्या पाठीमागे, इसबावी, पंढरपूर येथे एक इसम कमरेस पिस्टल हे हत्यार लावून संशयितरित्या फिरत आहे. सदरची माहिती गुन्हे प्रकटीकरण पथकाने वरिष्ठ पोलीस निरीक्षक विश्वजीत घोडके यांना दिले असता त्यांनी सदर इसमावर कायदेशीर कारवाई करण्याचे आदेश दिले. रिया हॉटेल पाठीमागे, पंढरपूर येथे एक इसम संशयितरित्या फिरत असताना दिसलेने त्यास पोलिसांनी गराडा घालून पकडले असता त्याचे कमरेस एक गावठी बनावटीचा कट्टा (पिस्टल), एक लोखंडी राऊंड व बारा बोर रायफलचा एक राऊंड तसेच लोखंडी बनावटीचे वाघनखे मिळून आले. लोखंडी गावठी कट्टा (पिस्टल) मिळून आलेल्या इसमाचे नाव अभिजीत रामा भोरे, राहणार पवार नगर, इसबावी, पंढरपूर असे असून सदर इसमावर पंढरपूर शहर पोलीस भारतीय हत्यार कायदा 1959 कलम 3, 4, 7, 25 अन्वये गुन्हा नोंद करण्यात आला आहे. आरोपी अभिजीत रामा भोरे यास पंढरपूर शहर पोलिसांनी अटक केली आहे.
सदरची कारवाई मा. पोलीस अधिक्षक शिरीष सरदेशपांडे, मा. अप्पर पोलीस अधिक्षक प्रितमकुमार यावलकर, पंढरपूर विभागाचे उपविभागीय पोलीस अधिकारी डॉ. अर्जुन भोसले, पंढरपुर शहर पोलिस ठाण्याचे वरिष्ठ पोलीस निरीक्षक विश्वजीत घोडके यांचे मार्गदर्शनाखाली गुन्हे प्रकटीकरण पथकाचे सपोनि, प्रकाश भुजबळ, सहायक फौजदार राजेश गोसावी, नागनाथ कदम, पोलीस हवालदार शरद कदम, सुरज हेंबाडे, सिरमा गोडसे, बिपीनचंद्र ढेरे, नवनाथ माने, सचिन हेंबाडे, पोलीस शिपाई शहाजी मंडले, निलेश कांबळे, समाधान माने, बजरंग बिचकुले सायबर शाखेचे पोलिस अंमलदार योगेश नरळे यांनी केली आहे.
