उपसभापती डॉ. नीलम गोऱ्हे यांच्या अध्यक्षतेखाली ३ जून २०२५ रोजी महिला आयोगाच्या कार्यपद्धती, SOPs आणि अडचणींवर विशेष शासकीय बैठक
मुंबई / ज्ञानप्रवाह न्यूज,दि.१ जून २०२५ : महाराष्ट्र विधान परिषदेच्या उपसभापती डॉ. नीलम गोऱ्हे यांच्या अध्यक्षतेत महत्त्वपूर्ण शासकीय बैठक मंगळवारी दि.३ जून २०२५ रोजी सकाळी ११ वाजता विधान भवन मुंबई येथे आयोजित करण्यात आली आहे.
या बैठकीमध्ये महाराष्ट्र राज्य महिला आयोगाच्या कार्यपद्धती, सेवा प्रमाणीकरण प्रक्रिया (SOPs),अंतर्गत अडचणी, अंमलबजावणीची स्थिती तसेच आयोगा कडुन असलेल्या अपेक्षांचा आढावा घेऊन आवश्यक सुधारणा यावर सविस्तर विचारमंथन होणार आहे.
या शासकीय बैठकीनंतर दुपारी १२:०० वाजता महिला हक्कांसाठी कार्यरत सामाजिक कार्यकर्त्यांशी थेट संवाद सत्र आयोजित करण्यात आले आहे. या संवादातून सामाजिक कार्यकर्त्यांचे अनुभव, अपेक्षा आणि सूचना समजून घेण्याचा प्रयत्न केला जाणार असून आयोगाच्या कामाबाबत संवाद घडवण्याचा हेतू आहे.बैठका फक्त निमंत्रिताकरता आहे.
या दोन्ही सत्रांकरिता राज्य महिला आयोगाच्या अध्यक्षा श्रीमती रुपाली चाकणकर या उपस्थित राहणार आहेत.
