वर्ल्ड टोबॅको डे 2026: तंबाखूचे व्यसन ठरतेय जीवघेणे; जागरूकतेची गरज अधिक तीव्र
तंबाखूमुक्त जीवनाचा संकल्प करूया; जागतिक तंबाखू निषेध दिनानिमित्त आरोग्याचा संदेश
जागतिक तंबाखू निषेध दिन: आरोग्य वाचवण्यासाठी तंबाखूला कायमचा रामराम
31 मे हा दिवस दरवर्षी जगभरात जागतिक तंबाखू निषेध दिन (World No Tobacco Day) म्हणून साजरा केला जातो. या दिवसाचा उद्देश तंबाखू सेवनामुळे होणाऱ्या गंभीर आरोग्यविषयक धोक्यांविषयी जनजागृती करणे आणि लोकांना तंबाखूमुक्त जीवनशैली स्वीकारण्यास प्रोत्साहित करणे हा आहे.
भारतासह जगभरात लाखो लोक तंबाखूजन्य पदार्थांचे सेवन करतात. सिगारेट,बीडी,गुटखा,खैनी,मावा, पानमसाला आणि ई-सिगारेट या सारख्या उत्पादनांमुळे कर्करोग, हृदयविकार, फुफ्फुसांचे आजार, उच्च रक्तदाब आणि श्वसनाचे विकार वाढत आहेत. जागतिक आरोग्य संघटनेच्या माहितीनुसार दरवर्षी लाखो मृत्यू तंबाखू सेवनाशी संबंधित आजारांमुळे होतात.
विशेषतः तरुणांमध्ये गुटखा, वेपिंग आणि विविध तंबाखूजन्य पदार्थांचे वाढते आकर्षण ही चिंतेची बाब आहे. सुरुवातीला फॅशन किंवा मित्रांच्या प्रभावामुळे सुरू झालेले सेवन पुढे गंभीर व्यसनाचे रूप धारण करते.याचा परिणाम शारीरिक आरोग्यासोबत मानसिक आरोग्य आणि आर्थिक स्थितीवरही होतो.
तंबाखूचे सेवन केवळ सेवन करणाऱ्या व्यक्तीलाच नव्हे तर त्याच्या आसपासच्या लोकांनाही हानी पोहोचवते.निष्क्रिय धूम्रपाना मुळे लहान मुले,गर्भवती महिला आणि ज्येष्ठ नागरिकांच्या आरोग्या वर गंभीर परिणाम होऊ शकतात.
तंबाखूमुक्त समाज निर्माण करण्यासाठी शासन,आरोग्य संस्था, शाळा,महाविद्यालये व सामाजिक संघटनांनी एकत्रितपणे काम करण्याची गरज आहे.जनजागृती मोहीम, समुपदेशन,व्यसनमुक्ती केंद्रे आणि कठोर कायद्यांची प्रभावी अंमलबजावणी यामुळे तंबाखूचे प्रमाण कमी होऊ शकते.
जागतिक तंबाखू निषेध दिनानिमित्त प्रत्येकाने स्वतः तंबाखूपासून दूर राहण्याचा आणि इतरांनाही त्यासाठी प्रेरित करण्याचा संकल्प करणे हीच खरी या दिवसाची सार्थकता ठरेल.
