पंढरपुर शहर पोलीस ठाण्याच्या कोम्बिंग ऑपरेशन दरम्यान पंढरपुर शहरातील गुन्हे अभिलेखावरील सराईत गुन्हेगारांची धरपकड
पंढरपूर /ज्ञानप्रवाह न्यूज,दि.२६/०८/२०२५ –आज रोजी पंढरपुर उपविभागाचे सहा. पोलीस अधिक्षक प्रशांत डगळे (भा.पो.से) व शहर पोलिस ठाण्याचे वरिष्ठ पोलीस निरीक्षक विश्वजीत घोडके यांचे उपस्थितीत गणेशोत्सवाचे पार्श्वभूमीवर कोम्बिंग ऑपरेशन राबविण्यात आले.यामध्ये सध्या पंढरपुरात बेकायदेशीरपणे कोयत्यासह फिरून दहशत पसरविणा-या गुन्हे अभिलेखावरील सराईत गुन्हेगारांवर परिणामकारक धडक कारवाई करून त्यांची दहशत मोडीत काढण्याकरिता त्यांची धरपकड करून पंढरपुर शहर पोलीस ठाणे येथे आणुन पंढरपुर उपविभागाचे सहा. पोलीस अधिक्षक प्रशांत डगळे (भा.पो.से) यांनी ठोस व कडक कारवाई केली.
यापुढे पंढरपुर शहर व परिसरातील नागरिकां मध्ये कोणीही दहशत माजविण्याचा प्रयत्न केल्यास सदर गुन्हेगारांवर एमपीडीए, मोक्का,तडीपार सारखी कडक कारवाई करून गुन्हेगारी कृत्य करणा-यांचा बिमोड करणेत येईल तसेच अनेक युवक गुन्हेगार हे इन्स्टाग्राम, युट्युब व सोशल मिडीयांचा वापर करत गुन्हा व गुन्हेगारी याबाबतचे व्हिडीओ अपलोड करून दहशत पसरवित असल्याचे दिसत आहेत.त्यांनी असे प्रकार करू नयेत असा इशारा देण्यात आला.आगामी गणेशोत्सव, नवरात्र भक्तीमय,भयमुक्त व शांततापुर्ण वातावरणात पार पडण्यासाठी यापुढेही वेळोवेळी अशा प्रकारची कडक कारवाई करण्यात येणार आहे असे सहा. पोलीस अधिक्षक प्रशांत डगळे पंढरपुर विभाग यांनी सांगितले.
सदरच्या कोम्बिंग ऑपरेशन दरम्यान ०२ पांढर्या रंगाच्या चारचाकी पिकअप, ०५ मोटारसायकली तसेच पंढरपुर शहर पोलीस ठाण्याचे गुन्हे अभिलेखावरील २५ सराईत गुन्हेगारांना पोलीस ठाणे येथे आणून त्यांचेवर प्रचलित कायद्यान्वये कायदेशीर कारवाई करण्यात आली आहे.
सदरची कारवाई सोलापूर ग्रामीणचे पोलीस अधिक्षक अतुल कुलकर्णी (भा.पो.से), अप्पर पोलीस अधिक्षक प्रितमकुमार यावलकर,सहा.पोलीस अधिक्षक प्रशांत डगळे (भा.पो.से), पंढरपूर शहर पोलीस ठाण्याचे वरिष्ठ पोलीस निरीक्षक विश्वजीत घोडके यांचे उपस्थितीत पंढरपुर शहर गुन्हे प्रकटीकरण शाखेचे प्रभारी सपोनि आशिष कांबळे,सपोनि भारत वाघे,पोसई श्रीकांत घुगरकर,श्रेणी.पोसई राजेश गोसावी,दप्तरी कल्याण ढवणे, पोलीस नाईक सचिन इंगळे तसेच सिरमा गोडसे, सचिन हेंबाडे, प्रसाद औटी, विठठल विभुते,पोकॉ शहाजी मंडले, बजरंग बिचकुले तसेच पंढरपुर शहर वाहतुक शाखेचे अंमलदार व पंढरपुर शहर पोलीस ठाणेचे अंमलदार यांनी केली आहे.
सध्या वाढदिवस साजरा करण्याचा नवीन प्रकार चालू झाला आहे.रात्री बारा वाजता फटाक्यांची आतषबाजी केली जाते .यामुळे वयोवृध्द,आजारी व्यक्ती,बालके,पशु पक्षी यांच्यावर या आतषबाजीचा दुष्परिणाम होतो आहे त्यामुळे त्यावर कारवाई व्हावी अशी मागणी सर्वसामान्यांकडून होत आहे.
