पंढरपूरातील श्री विठ्ठल-रुक्मिणी मंदिर फुलांच्या बहरात — भक्तांसाठी दिव्य दर्शनाचा उत्सव

विठ्ठल मंदिर उजळले फुलांच्या सजावटीने — लक्ष्मीपूजनानिमित्त भक्तिभावाचा सुगंध दरवळला

पंढरपूरात फुलांचा दरबार — विठ्ठल- रुक्मिणी मंदिरात साकारली दिव्य सजावट

१५०० किलो फुलांनी सजला विठ्ठलाचा दरबार — भक्त अर्जुन पिंगळे यांची अनोखी भक्ती अर्पण

लक्ष्मीपूजन सणानिमित्त विठ्ठल मंदिरात रंग, सुगंध आणि श्रद्धेचा सोहळा

पंढरपूरातील श्री विठ्ठल-रुक्मिणी मंदिर फुलांच्या बहरात — भक्तांसाठी दिव्य दर्शनाचा उत्सव

पंढरपूर/ ज्ञानप्रवाह न्यूज,दि.२१/१०/ २०२५ : दीपावलीच्या पवित्र पर्वानिमित्त श्री विठ्ठल-रुक्मिणी मंदिरे समिती, श्री क्षेत्र पंढरपूर यांच्या वतीने लक्ष्मीपूजनानिमित्त मंदिर परिसरात आकर्षक आणि भव्य फुलांची सजावट करण्यात आली. या सजावटीत वैभव, भक्ती आणि सौंदर्य यांचा सुंदर संगम साधण्यात आला असून भाविकांसाठी हा एक दिव्य दृश्यानुभव ठरला आहे.

भक्त अर्जुन पिंगळे यांची अनोखी अर्पण भावना

ही फुलांची सजावट श्री विठ्ठल-रुक्मिणी भक्त अर्जुन हनुमान पिंगळे रा.बीड यांच्या मार्फत करण्यात आली आहे.सजावटी साठी सुमारे १५०० ते २००० किलो ताजी फुले वापरण्यात आली आहेत.

फुलांमध्ये कोंडा, शेवंती, अष्टर, गुलाब, ऑर्किड, अँथोनीयम, जिप्स, सायकस, गुलछडी आदी विविध प्रकारांचा समावेश आहे. या सर्व फुलांच्या रंगसंगतीने आणि सुगंधाने संपूर्ण मंदिर परिसर भक्तीभावाने न्हाऊन निघाला आहे.

मंदिराच्या प्रत्येक कोपऱ्यात कलात्मक सौंदर्याची झळाळी

मंदिरातील श्री विठ्ठल चौखांबी, सोळ खांबी परिसर, रुक्मिणी मातेचे मंदिर तसेच प्रवेशद्वार या सर्व भागात कलात्मक सजावट करण्यात आली आहे. पारंपारिक आणि आधुनिक फुलांच्या रचना यांचा सुंदर संगम भाविकांना अद्भुत सौंदर्याचा अनुभव देत आहे.

नैसर्गिक फुलांतून साकारलेली भक्ती आणि सौंदर्याची संगती