नरेंद्र मोदींचा जपान दौरा ठरला, क्वाड अधिवेशनाला उपस्थिती, चीनची चिंता वाढणार?


नवी दिल्ली : पंतप्रधान नरेंद्र मोदी २४ मे रोजी क्वाड समिटमध्ये सहभागी होण्यासाठी जपानच्या दौऱ्यावर जाणार आहेत. परराष्ट्र मंत्रालयाच्या अधिकृत प्रवक्त्यांनी ही माहिती दिली आहे भारताच्या परराष्ट्र मंत्रालयाचे प्रवक्ते अरिनंदम बागची यांनी ही माहिती दिली. पंतप्रधान नरेंद्र मोदी जपानच्या दौऱ्यावर जपानचे पंतप्रधान फुमिओ किशीदा, ऑस्ट्रेलियाचे पंतप्रधान स्कॉट मॉरिसन अमेरिकेचे राष्ट्रपती जो बायडन यांच्याशी चर्चा करतील. जपानमध्ये क्वाड देशांच्या प्रमुखांची चौथी बैठक होत आहे. क्वाडची पहिली बैठक ऑनलाइन पद्धतीने मार्च २०२१ मध्ये झाली होती. त्यानंतर गेल्या वर्षी वॉशिंग्टनमध्ये सप्टेंबर महिन्यात बैठक झाली होती. पुन्हा एकदा मार्च महिन्यात ऑनलाइन पद्धतीने बैठक झाली आहे. क्वाडच्या जपानमधील अधिवेशनात चीनच्या विस्तारवादी धोरणावर देखील चर्चा होण्याची शक्यता आहे.

काँग्रेस राष्ट्रीय नसून भावा बहिणीचा पक्ष राहिलाय, प्रादेशिक पक्षही जे.पी. नड्डांच्या निशाण्यावर
क्वाड देशांच्या या अधिवेशनात हिंदी महासागर आणि पॅसिफिक महासागरातील घडामोडी, समकालीन जागतिक प्रश्न, सदस्य राष्ट्रांचे हितसंबंध यासंबंधी चर्चा होईल, अशी माहिती बागची यांनी दिली आहे.

पंतप्रधान नरेंद्र मोदी आणि जपानचे पंतप्रधान फुमिओ किशीदा आणि अमेरिकेचे राष्ट्रपती जो बायडन यांच्यामध्ये 24 मे रोजी बैठक होईल असा अंदाज आहे. जपानच्या पंतप्रधानांसोबतच्या बैठकीत भारत आणि जपानच्या १४ व्या वार्षिक अधिवेशनातील चर्चा पुढे नेण्यास फायदेशीर ठरेल, असं बागची म्हणाले आहेत. ते अधिवेशन मार्च २०२२ मध्ये झालं होतं.

तरुणांनो तयारीला लागा, ७ हजार पदांसाठी पोलीस भरती होणार, गृहखात्याची तयारी पूर्णजो बायडन आणि नरेंद्र मोदी यांच्यामध्ये व्दीपक्षीय चर्चा सप्टेंबरमध्ये झाली होती. त्यानंतर जो बायडन आणि नरेंद्र मोदी यांच्यात व्हिडिओ कॉन्फरन्सिंगवर चर्चा झाली होती.पंतप्रधान नरेंद्र मोदी आणि ऑस्ट्रेलियाचे पंतप्रधान स्कॉट मॉरिसन यांच्यात देखील द्वीपक्षीय चर्चा होण्याची शक्यता आहे.

क्वाड संघटनेत भारत, जपान, अमेरिका आणि ऑस्ट्रेलियाचा समावेश आहे. गेल्या काही दिवसांपूर्वी क्वाडमध्ये दक्षिण कोरियाचा समावेश होऊ शकतो, अशा चर्चा सुरु झाल्या होत्या. चीनच्या हिंदी आणि पॅसिफिक महासागरातील विस्तारवादी धोरणाला मर्यादा घालण्यासाठी दक्षिण काोरियाच्या समावेशासंदर्भात चर्चा सुरु झाल्या होत्या.

‘आदित्य ठाकरेंचा हात धरून राज ठाकरेंनी अयोध्येला जावं’ | दिपाली सय्यद



Source link

Leave a Reply

Your email address will not be published.

%d bloggers like this: