IND v AUS : रोहितपेक्षा कोहली बरा… पाकिस्तानच्या कर्णधाराने पराभवानंतर साधला निशाणा


मोहाली : भारताचा ऑस्ट्रेलियाविरुद्धच्या पहिल्या ट्वेन्टी-२० सामन्यात पराभव झाला. पण या पराभवानंतर पाकिस्तानच्या कर्णधाराने आता रोहित शर्मावर निशाणा साधला आहे. हा निशाणा साधताना रोहितपेक्षा विराट कोहली किती उजवा आहे, हे सांगितले आहे.

रोहित आणि विराट हे दोघेही भारताचे दिग्गज फलंदाज आहेत. पण यावेळी रोहितपेक्षा विराट कसा सरस आहे, हे पाकिस्तानच्या कर्णधाराने सांगितले आहे. पण हे सांगत असताना पाकिस्तानच्या कर्णधाराने फलंदाजीबाबत कोणतेच वक्तव्य केले नाही. पण तरीही तो विराटपेक्षा रोहित कसा सरस आहे, हे त्याने दाखवून दिले आहे.


पाकिस्तानचा माजी कर्णधार सलमान बट्टने यावेळी सांगितले की, ” भारतीय खेळाडू हे जगातील सर्वाधिक मानधन घेणारे क्रिकेटपटू आहेत. ते जास्तीत जास्त सामने खेळतात. तुम्ही मला सांगा की ते सर्वात योग्य का नाहीत? जर आपण त्यांच्या शरीराच्या रचनेची तुलना केली तर दक्षिण आफ्रिका, ऑस्ट्रेलिया आणि इंग्लंड सारखे संघ खूप चांगले आहेत. काही भारतीय खेळाडूंचे वजन जास्त आहे. मला वाटते की त्यांनी यावर काम करणे आवश्यक आहे कारण ते चमकदार क्रिकेटपटू आहेत. विराट कोहलीने फिटनेसचा आदर्श निर्माण केला आहे. त्याचा फिटनेस हा नक्कीच अनुकरण करण्यासारखा आहे. पण रोहितच्या बाबतीत तसे दिसत नाही. त्यामुळे रोहितने आपला फिटनेस सुधारला तर त्याचा खेळ आणखीन सुधारू शकतो आणि त्याचा फायदा भारतीय संघाला होऊ शकतो.”

बट्टने पुढे सांगितले की, ” भारतीय संघात विराट कोहलीबरोबर हार्दिक पंड्या आणि रवींद्र जडेजा यांचा फिटनेस कमालीचा आहे. पण दुसरीकडे रोहित शर्मा, रिषभ पंत आणि लोकेश राहुल यांनी आपल्या फिटनेसवर भर द्यायला हवा. या तिघांचा फिटनेस सुधारला तर त्यांचे क्षेत्ररक्षण सुधारायला मदत होईल. त्याचबरोबर त्यांच्या सुधारलेल्या फिटनेसचा फायदा संघालाही होऊ शकतो. त्यामुळे या तिघांनी आता आपल्या फिटनेसवर भर द्यायला हवा.” त्यामुळे आगामी विश्वचषक पाहता भारताच्या या खेळाडूंना आपला फिटवनेस सुधारण्याची नक्कीच संधी असेल.





Source link

Leave a Reply

Your email address will not be published.

%d bloggers like this: