कोलकाता विरुद्ध राजस्थान; मुंबई इंडियन्स आव्हान ठरवणारी लढत


शारजाह: आयपीएलमध्ये आज गुरुवारी डबल हेडरमधील दुसरी लढत कोलकाता नाईट रायडर्स आणि राजस्थान रॉयल्स यांच्यात होणार आहे. हंगामातील ही ५४वी लढत असेल. शारजाह मैदानावर होणाऱ्या या लढतीत कोलकाता संघाला कोणत्याही परिस्थितीत विजय मिळवावा लागले. इयान मॉर्गनच्या नेतृत्वाखाली कोलकाताने या लढतीत विजय मिळवल्यास प्लेऑफमध्ये जाण्याची त्याची दावादारी आणखी मजूबत होईल. कोलकाताने १३ सामन्यात १२ गुण आणि प्लस ०.२९४ रनरेटसह गुणतक्त्यात चौथे स्थान मिळवले आहे.

वाचा- सनरायझर्सने RCBला दिला पराभवाचा धक्का; सामना गमवून विराटच्या संघाने केली मोठी चूक

राजस्थानविरुद्ध आज विजय मिळवल्यास कोलकाता संघाचे १४ गुण होती. त्यानंतर मुंबई इंडियन्सने सनरायझर्स हैदराबादचा पराभव केला आणि त्याचे नेट रनरेट कोलकातापेक्षा कमी राहिले तर केकेआर प्ले ऑफमध्ये सहजपणे जाईल. कोलकाता संघाची सर्वात मोठी डोकेदुखी म्हणजे कर्णधार इयान मॉर्गनचा खराब फॉर्म होय. त्याने १३ सामन्यात फक्त १११ धावा केल्या आहेत. या हंगामात जेव्हा जेव्हा त्याच्याकडून धावांची अपेक्षा करण्यात आली तेव्हा तेव्हा त्याने निराश केले आहे.

वाचा- Video: असा कॅच आजवर कोणीच घेतला नाही; पाहा ३८ वर्षीय खेळाडूने काय केले

कोलकाताचे सलामीवीर शुभमन गिल आणि वेंकटेश अय्यर यांच्याकडून या सामन्यात मोठी अपेक्षा असेल. वेंकटेशने ६ सामन्यात २०१ धावा केल्या आहेत. त्याच बरोबर त्याने ३ विकेट देखील घेतल्या आहे. गोलंदाजीत कोलकातासाठी वरुण चक्रवर्ती हा महत्त्वाचा खेळाडू आहे. त्याने १३ सामन्यात १५ विकेट घेतल्या आहेत.

वाचा- हर्षल पटेलने केली कमाल; बुमराहचा विक्रम मोडला आणि झाला नंबर वन

दुसऱ्या बाजूला मुंबई इंडियन्सविरुद्धच्या सामन्यात पराभव झाल्याने राजस्थान रॉयल्सचे आव्हान संपुष्टात आले आहे. त्यामुळे या लढतीत राजस्थान काही युवा खेळाडूंना संधी देऊ शकतो. आयपीएल २०२१ चा शेवट विजयाने करण्याचा त्यांचा प्रयत्न असेल.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: