lakhimpur kheri news : लखीमपूर खिरी हिंसाचार; आरोपी मंत्रिपुत्र आशिष मिश्राची न्यायालयीन कोठडीत रवानगी


लखनऊः केंद्रीय गृह राज्यमंत्री अजय मिश्रा टेनी यांचा मुलगा आशिष मिश्रा याला लखीमपूर खिरी हिंसाचार ( ashish mishra has been sent to judicial custody ) प्रकरणी सुमारे १२ तासांच्या चौकशीनंतर शनिवारी अटक करण्यात आली. त्याला मध्यरात्रीनंतर न्यायालयात हजर करण्यात आले. तिथून त्याची न्यायालयीन कोठडीत रवानगी करण्यात आली. न्यायदंडाधिकाऱ्यांनी आशिषला १४ दिवसांच्या न्यायालयीन कोठडी सुनावल्यानंतर त्याची रवानगी लखीमपूर खिरी जिल्हा कारागृहात करण्यात आली. पोलिसांनी आशिषच्या पोलीस कोठडीसाठी मागणी केली आहे. यावर ११ ऑक्टोबरला सुनावणी होणार आहे.

पोलिस उपमहानिरीक्षक (मुख्यालय) उपेंद्र अग्रवाल हे या प्रकरणी तपासासासाठी स्थापन केलेल्या एसआयटीचे नेतृत्व करत आहेत. त्यांनी शनिवारी रात्री ११ वाजेच्या सुमारास आशिष मिश्राच्या अटकेची माहिती दिली. ‘आशिषने पोलिसांच्या प्रश्नांना योग्य उत्तरे दिली नाहीत आणि तपासात सहकार्य केले नाही. त्याने योग्य माहिती दिली नाही, म्हणून त्याला अटक करण्यात आली, असं त्यांनी सांगितलं.

आशिष मिश्रावर पोलिसांची प्रश्नांची सरबत्ती

तिकुनियामध्ये काय कार्यक्रम होणार होता? कार्यक्रम कधी सुरू झाला आणि कधी संपला? कार्यक्रमाला त्याच्यासोबत कोण उपस्थित होते? तिकुनियामध्ये काय घडले, त्याची सुरुवात कशी झाली? घटनेच्या वेळी तुम्ही कुठे होता? घटनास्थळी उपस्थित नसल्याचा तुमच्याकडे कोणता पुरावा आहे? थार जीप कोणाच्या नावावर आहे, ज्यातून शेतकरी चिरडले गेले? थार जीप कोण चालवत होता आणि त्यात बसलेले लोक कोण होते? लखनऊचे माजी महापौर अखिलेश दास यांचे पुतणे अंकित दास तुमच्यासोबत होते का? थार जीपच्या मागे फॉर्च्यूनर कोणाची गाडी चालवत होते? फॉर्च्यूनर कार लखनौचे माजी महापौर अखिलेश दास यांचे पुतणे अंकित दास यांच्या मालकीची होती का? अंकित दास फॉर्च्युनर कारमध्ये बसला होता आणि तू त्याच्याबरोबर होतास का? घटनास्थळी गोळीबाराचे आवाज आले, तुमच्या बाजूने गोळ्या झाडण्यात आल्या होत्या की शेतकऱ्यांनी गोळीबार केला होता? तुमच्याकडे परवाना असलेली किती शस्त्रे आहेत? जर तू ताफ्यातील वाहनांमध्ये होता तर त्या वेळी तुमच्याकडे परवाना असलेले कोणते शस्त्र होते? पिस्तूल लोड करणाऱ्या माणसाचा व्हिडिओ व्हायरल होत आहे तो व्हिडिओ तुमचा आहे का? तुम्हाला या घटनेची माहिती कधी आणि कशी मिळाली? घटनेनंतर तुम्ही कुठे गेलात? तुम्ही या घटनेची तक्रार पोलिसांना दिली का? तुमची बाजू मांडण्यासाठी पोलिसांनी शुक्रवारी सकाळी १० वाजता गुन्हे शाखेच्या पोलिस लाईनमध्ये फोन केला होता, तुम्ही तिथे का पोहोचला नाहीत?, असे अनेक प्रश्न पोलिसांनी आशिष मिश्राला विचारले. सूत्रांनी ही माहिती दिली.

Ashish Mishra Arrested लखीमपूर खेरी हिंसाचार: केंद्रीय गृह राज्यमंत्री अजय मिश्रा यांच्या मुलाला अखेर अटक

लखीमपूर हिंसाचारात चार शेतकऱ्यांसह एकूण ८ जणांचा मृत्यू झाल्याप्रकरणी आशिष मिश्रा आणि इतरांविरोधात एफआयआर नोंदवण्यात आला आहे. ठार झालेल्या चालक हरिओमचा फोटो महत्त्वाचा पुरावा बनला. हरिओमने पिवळ्या रंगाचा पट्टा असलेला शर्ट घातला होता, हे शवविच्छेदनादरम्यान समोर आलं. तर हरिओम हा थार जीपचा चालक असल्याचे आशिष मिश्रा सांगितले होते. व्हायरल व्हिडिओ आणि फोटोमध्ये थार जीपचा चालक पांढऱ्या शर्टमध्ये दिसतो. घटनेच्या दिवशी आशिष मिश्रा पांढऱ्या शर्टमध्ये होते. अटक केलेल्या आरोपींपैकी एकाने आशिष मिश्रा हा थार जीपमध्ये उपस्थित असल्याचाही उल्लेख केला आहे. घटनेनंतर आरोपी आशिष मिश्रा हा राईस मिलमध्ये गेला होता. थार जीपमध्ये सापडलेल्या ३१५ बोअर बंदुकीच्या गहाळ काडतुसांचा तपास सुरू आहे. आशिष मिश्राकडे ३१५ बोअरचे परवाना असलेल्या शस्त्राची काडतूस असल्याचा संशय आहे. एसआयटीने प्रशासनाकडे फॉरेन्सिक टीमची मागणी केली आहे.

मैत्रिणीवरून दोन विद्यार्थी एकमेकांना भिडले; विद्यापीठात गोळीबार, एकाचा मृत्यू



Source link

Leave a Reply

Your email address will not be published.

%d bloggers like this: