सोने-चांदी झाले स्वस्त; नफावसुलीने कमॉडिटी बाजारात घसरण, जाणून घ्या आजचा भाव


हायलाइट्स:

  • कमॉडिटी बाजारातील तेजीला आज सोमवारी नफेखोरीमुळे ब्रेक लागला आहे.
  • आज सकाळच्या सत्रात सोने १७० रुपयांनी तर चांदीमध्ये ३०० रुपयांची घसरण झाली.
  • जागतिक कमॉडिटी बाजारात सोन्याचा भाव १७७० डॉलरच्या आसपास आहे.

मुंबई : कमॉडिटी बाजारातील तेजीला आज सोमवारी नफेखोरीमुळे ब्रेक लागला आहे. आज सकाळच्या सत्रात सोने १७० रुपयांनी तर चांदीमध्ये ३०० रुपयांची घसरण झाली.

मल्टी कमॉडिटी एक्सचेंजवर सध्या सोन्याचा भाव प्रती १० ग्रॅम ४६९१२ रुपये आहे. त्यात १२५ रुपयांची घसरण झाली आहे. तत्पूर्वी सोनं ४६८६४ रुपयांपर्यंत खाली घसरले होते. सध्या एक किलो चांदीचा भाव ६१७७७ रुपये आहे. त्यात २४ रुपयांची घसरण झाली आहे. त्याआधी चांदीचा भाव ६१५०० रुपयांपर्यंत खाली घसरला होता.

दरवाढीचा सपाटा कायम ; सलग सातव्या दिवशी पेट्रोल-डिझेल महागले, हा आहे आजचा दर
सराफ व्यवसायिकांकडून सोन्यावर जीएसटी, आयात शुल्क आणि घडणावळ शुल्क आकारले जाते. त्यामुळे दहा ग्रॅम सोन्याचा दागिना खरेदी करताना प्रत्यक्ष बाजार भावात ४ ते ५ हजारांची वाढ होते.

सेन्सेक्स-निफ्टी सुस्साट! ‘या’ गोष्टी ठरवणार भांडवली बाजाराची पुढील दिशा
Goodreturns या वेबसाईटनुसार आज सोमवारी मुंबईत २२ कॅरेट सोन्याचा भाव ४५९४० रुपये आहे. २४ कॅरेटचा भाव ४६९४० रुपये आहे. आज दिल्लीत २२ कॅरेट सोन्याचा भाव ४६०६० रुपये आहे. २४ कॅरेटसाठी सोन्याचा भाव ५०२५० रुपये झाला आहे. आज चेन्नईत २२ कॅरेटसाठी ४४१९० रुपये तर २४ कॅरेट सोन्याचा भाव ४८२१० रुपये आहे. त्यात रविवारच्या तुलनेत २०० रुपयांची घसरण झाली. कोलकात्यात आज २२ कॅरेट सोन्याचा भाव ४६४०० रुपये असून २४ कॅरेट सोन्याचा भाव ४९१०० रुपये आहे.

केंद्र सरकारचा विक्रीचा धडका; एअर इंडिया विकली आता ‘या’ कंपनीची होणार विक्री
याआधी शुक्रवारी मल्टी कमॉडिटी एक्सचेंजवर सोन्याचा भाव प्रती १० ग्रॅम ४७०१३ रुपयांवर स्थिरावला होता. त्यात १८६ रुपयांची वाढ झाली. तत्पूर्वी सोन्याचा भाव ४७३७० रुपयांपर्यंत वाढला होता. एक किलो चांदीचा भाव ६१७९७ रुपयांपर्यंत वाढला. त्यात ५३९ रुपयांची वाढ झाली होती. गेल्या वर्षी करोन संकटाने सोने आणि चांदीमध्ये गुंतवणुकीचा ओघ वाढला होता. या काळात सोन्याचा प्रती भाव ५६२०० रुपयांवर गेला होता.

जागतिक कमॉडिटी बाजारात सोन्याचा भाव १७७० डॉलरच्या आसपास आहे. चांदीचा भाव ०.२ टक्के घसरण झाली आणि चांदीचा भाव प्रती औंस २२.५५ डॉलर होता.



Source link

Leave a Reply

Your email address will not be published.

%d bloggers like this: