Video: मार्टिन गुप्टिलचा कॅच पाहून ऑस्ट्रेलियाची झोप उडाली; पहिल्या चेंडूवर पाहा काय झाले


अबुधाबी: आयसीसी टी-२० वर्ल्डकपमध्ये सुपर १२ मध्ये पोहोचलेले संघ सध्या सराव सामने खेळत आहेत. काल सोमवारी ऑस्ट्रेलिया आणि न्यूझीलंड यांच्यात सराव सामना झाला. या लढतीत ऑस्ट्रेलियाने ३ विकेटनी विजय मिळवला असला तरी न्यूझीलंडच्या एका खेळाडूचे सर्वजण कौतुक करत आहेत. न्यूझीलंडने प्रथम फलंदाजी करताना २० षटकात ७ बाद १५८ धावा केल्या होत्या. उत्तरादाखल ऑस्ट्रेलियाने १ चेंडू आणि ३ विकेट राखून विजय मिळवला.

वाचा-टी-२० वर्ल्डकप खेळणाऱ्या संघावर धक्कादायक आरोप; भारताला घाबरून पराभूत झाले

सराव सामन्यात न्यूझीलंडने ऑस्ट्रेलियापुढे विजयासाठी १५८ धावांचे लक्ष्य दिले होते. पण ऑस्ट्रेलियाला डावाच्या पहिल्याच चेंडूवर धक्का बसला. टीम साऊदीच्या चेंडूवर डेव्हिड वॉर्नरने मारलेल्या शॉटवर स्लिपमध्ये मार्टिन गुप्टिलने शानदार कॅच पकडला. मार्टिनपासून चेंडू फार लांब होता, त्याने एका हाताने डाव्या बाजूला झेप घेतली आणि हवेत कॅच घेतला. हा कॅच पाहिल्यानंतर वॉर्नरला काही क्षण विश्वास बसला नाही. अर्थात गुप्टिलने अशा पद्धतीने पकडलेला हा पहिला कॅच नाही.

वाचा- इंग्लंडवरील विजयानंतर भारताचे टेन्शन वाढले; पाकविरुद्धच्या सामन्यात घ्यावा लागेल मोठा निर्णय

ऑस्ट्रेलियाचा सलामीवीर डेव्हिड वॉर्नरचा खराब फॉर्म कायम आहे. आयपीएलमध्ये सनरायझर्स हैदराबादकडून खेळताना त्याला धावा करता आल्या नाहीत. आधी त्याने कर्णधारपद गमावले त्यानंतर तो संघातून देखील बाहेर झाला. वॉर्नरचा खराब फॉर्म कायम राहिला तर ऑस्ट्रेलियाच्या अडचणी वाढू शकतात. वनडेमध्ये पाच वर्ल्डकप जिंकणाऱ्या ऑस्ट्रेलियाला अद्याप टी-२० मध्ये एकही विजेतेपद मिळवता आलेले नाही.

वाचा- टी-२० वर्ल्डकपमध्ये इतिहास घडला; आजवर कोणालाही जमला नाही हा विक्रम


वाचा- T20 World Cup: भारताविरुद्ध काय असेल पाकिस्तानची रणनिती; झाला मोठा खुलासा

मुख्य स्पर्धा सुरूहोण्याआधी ऑस्ट्रेलियाचा दुसरा सराव सामना उद्या म्हणजे २० ऑक्टोबर रोजी भारताविरुद्ध होणार आहे. ही लढत दुपारी ३.३० वाजता सुरू होईल.





Source link

Leave a Reply

Your email address will not be published. Required fields are marked *

%d bloggers like this: