धुळ्याला जायचंय? तासभर थांबा! पुण्यास जाण्यासाठीही माहेरवाशिणींच्या वाट्याला वेटिंग


हायलाइट्स:

  • कर्मचाऱ्यांच्या संपामुळं प्रवाशांचे हाल
  • ऐन दिवाळीत संपामुळं नागरिकांना मनस्ताप
  • प्रवासी संख्या वाढल्याने गाड्यांना गर्दी वाढली

म. टा. प्रतिनिधी, नाशिकः पाडवा सण साजरा केल्यानंतर तमाम सासुरवाशीण महिला वर्गाला माहेरची ओढ लागते. मात्र, राज्य परिवहन महामंडळाच्या कर्मचाऱ्यांचा संप आणि गाड्यांच्या तुलनेत प्रवाश्यांची संख्या वाढल्याने हाच माहेरचा प्रवास महिलांसाठी शुक्रवारी सहनशीलतेची कसोटी पाहणारा ठरतोय. धुळ्याला बायपास गाडीने जाण्यासाठी त्यांना तब्बल तासभर वेटिंग करावे लागले. तर पुण्यासाठीही नेहमीप्रमाणे बसेस उपलब्ध नसल्याने माहेरवाशीणींच्या वाट्याला प्रतीक्षा आली.

नाशिक परिसरातून मालेगाव, धुळे, जळगाव, नगर, ठाणे जिल्ह्यात असलेल्या आपल्या माहेरी जाण्यासाठी महिलांची शुक्रवारी सकाळपासूनच लगबग दिसून आली. यात खान्देशात जाण्यासाठी अनेकांनी सकाळी सहा वाजेपासूनच नवीन सीबीएस परिसरात गर्दी केली. लहान मुलांसोबत पत्नीला सोडण्यासाठी आलेल्या पुरुष मंडळांना बायपास धुळे गाडीचे तिकीट मिळण्यास सुमारे तासभर प्रतीक्षा करावी लागली. मालेगावमध्ये रखडलेल्या उड्डाणपुलाच्या कामामुळे धुळे, शिरपूर, नंदुरबार येथे जाणाऱ्या अनेकांकडून बायपास गाडीला पसंती दिली जाते. बायपास गाडीत बसल्याने मालेगावमधील वाहतूक कोंडी टाळता येते. मात्र, शुक्रवारी याच बायपास गाडीच्या तिकिटासाठी किमान तासभर तरी थांबावेच लागले. प्रवाशांची गैरसोय टाळण्यासाठी एसटी परिवहन महामंडळ प्रशासनाने धुळे, मालेगावसाठी अधिकाधिक गाड्या सोडण्यावर भर दिला. मात्र, सकाळी दहा वाजेनंतर गर्दी वाढतच गेली. त्यामुळे जादा सोडलेल्या गाड्याही पुरेशा ठरल्या नाहीत. पुढील दोन दिवस सुट्या असल्याने गर्दी अशीच राहून बससाठी प्रतीक्षा करण्याची स्थिती कायम राहण्याची शक्यता व्यक्त केली जात आहे.

वाचाः … म्हणून आशिष शेलारांनी घेतली राज ठाकरेंची भेट

पुणे, पिंपरी चिंचवड, चाकण या मार्गाकडे जाणाऱ्या प्रवाश्यांनाही प्रतीक्षा करावी लागली. एरवी पुण्याला जाण्यासाठी दर दहा ते पंधरा मिनिटानंतर बस उपलब्ध असते. मात्र, पुणे मार्गावरील बससाठी अर्धा तास आणि त्यापेक्षा जास्त वेळ प्रतीक्षा करावी लागली.

थेट त्र्यंबकहून सेवा

नाशिकमध्ये गर्दी वाढू नये, यासाठी त्र्यंबकेश्वर, अंजनेरी येथे देवदर्शनासाठी आलेल्या प्रवाश्यांसाठी एसटी महामंडळाने नियोजन केल्याचे दिसून आले. खान्देशातील जळगाव, अमळनेर, धुळे, शिरपूर, शहादा येथे जाणाऱ्या काही बसेस सोडण्यात आल्या. त्यामुळे नाशिकमध्ये येऊन पुन्हा या गावांसाठी वेगळ्या गाड्या शोधण्याची वेळ त्र्यंबकेश्वर, अंजनेरी, सातपूर परिसरातील प्रवाश्यांवर आली नाही.

वाचाः बारामतीत पवार कुटुंबीयांची दिवाळी, अजितदादा गैरहजर; शरद पवारांनी सांगितलं कारण…



Source link

Leave a Reply

Your email address will not be published. Required fields are marked *

%d bloggers like this: