अक्षय तृतीयेच्या शुभ मुहूर्तावर शिवसेना नेत्या डॉ.नीलमताई गोऱ्हे यांनी महिला पदाधिकाऱ्यांशी साधला संवाद

अक्षय तृतीयेच्या शुभ मुहूर्तावर शिवसेना नेत्या डॉ.नीलमताई गोऱ्हे यांनी महिला पदाधिकाऱ्यांशी साधला संवाद

छत्रपती संभाजीनगर /ज्ञानप्रवाह न्यूज,दि.१० मे २०२४: शिवसेना नेत्या डॉ. नीलमताई गोऱ्हे यांनी वैजापूर येथील महायुतीमधील घटक पक्षांच्या जिल्हाप्रमुख, उपजिल्हाप्रमुख, तालुकाप्रमुख, आजी माजी नगरसेविका तसेच पदाधिकारी, कार्यकर्ते या सर्वांसोबत एकत्रितपणे संवाद साधला.आज अक्षय तृतीयेसारख्या महत्त्वाच्या सणाच्या दिवशी देखील मोठ्या संख्येने महिला पदाधिकारी यांनी उपस्थित राहून पक्षाच्या प्रति व महायुतीबद्दल अत्यंत प्रामाणिक व निरपेक्षपणे आपली मते व्यक्त केली. हा प्रसंग अत्यंत आनंद स्पर्शी असल्याची भावना शिवसेना नेत्या डॉ. नीलम गोऱ्हे यांनी व्यक्त केली.

यादरम्यान डॉ. गोऱ्हे यांनी महिलांना मार्गदर्शन करताना अनेक छोट्या मोठ्या अडचणी समजून घेऊन त्यावर तात्काळ उपाय करण्याचे संबोधित केले व सर्व पदाधिकारी मतदानाच्या दिवसापर्यंत एकजुटीने काम करतील असा विश्वास व्यक्त करून सर्व पदाधिकाऱ्यांच मनोबल वाढवले. या बैठकीचे वैशिष्ट्य म्हणजे या बैठकीला तिन्ही पक्षांचे महिला पदाधिकारी उपस्थित असल्यामुळे ही बैठक अत्यंत आगळीवेगळी व खेळीमेळीच्या वातावरणात सकारात्मकपणे पार पडली.

या बैठकीला, जिल्हा संपर्क प्रमुख रंजना कुलकर्णी, सविता किवंडे, शिवसेना जिल्हाप्रमुख सुलभाताई भोपळे, पुष्पाताई गव्हाणे, भाजप जिल्हाध्यक्ष जयमाला वाघ, राष्ट्रवादी काँग्रेस जिल्हाध्यक्ष सुनीता साखरे, पैठण तालुका प्रमुख ज्योती पठाडे, वैजापूर शहर प्रमुख सुप्रिया व्यवहारे यांसह मोठ्या संख्येने महायुतीमधील घटक पक्षांच्या महिला पदाधिकारी, कार्यकर्ते उपस्थित होते.

Leave a Reply

Your email address will not be published. Required fields are marked *