पंढरपुर शहर पोलीस ठाणे गुन्हे प्रकटीकरण शाखेची धडाकेबाज कामगिरी
पंढरपुर शहरातुन मोटारसायकली चोरी करणा-या आरोपींविरूध्द धडक कारवाई
आरोपींकडुन ५,६८,०००/- रूपये किंमतीच्या एकुण ०९ मोटारसायकली जप्त
पंढरपूर /ज्ञानप्रवाह न्यूज,दि.२८/०६/२०२५ –पंढरपूर शहर पोलीस ठाणे हद्दीत पंढरपुर शहरात मोटारसायकल चोरीचे गुन्हे उघडकीस आणणेचे उद्देशाने सोलापूर ग्रामीणचे पोलीस अधिक्षक अतुल कुलकर्णी,अपर पोलीस अधिक्षक प्रितमकुमार यावलकर, पंढरपूर विभागाचे उपविभागीय पोलीस अधिकारी डॉ.अर्जुन भोसले यांचे सुचनेनुसार व पंढरपुर शहर पोलीस ठाणेचे वरिष्ठ पोलीस निरीक्षक विश्वजीत घोडके यांच्या मार्गदर्शनाखाली गुन्हे प्रकटीकरण शाखेचे अधिकारी व अंमलदार यांची विशेष पथके नेमुन पंढरपूर शहर व परिसरातील ज्या ठिकाणी मोटार सायकल चोरी जाणेचे प्रमाण जास्त आहे त्या ठिकाणचे घटनास्थळ निरीक्षण करून व त्यावर बारकाईने लक्ष ठेवुन गोपनीय बातमीदाराचे मार्फतीने मोटार सायकली चोरीबाबतची माहिती काढणेचे काम सुरू असताना गोपनिय बातमीदाराकडुन एक बातमी मिळाली की, पंढरपुर शहरामध्ये बाहेर गावावरून काही आरोपी चोरी करण्या करीता येत आहेत त्यांची नावे १) गणेश बाळासोा जाधव रा जाधववाडी ता माळशिरस जि सोलापूर २) विकास महादेव पवार रा न्हावीरूई ता इंदापुर जि पुणे सध्या वाडी नं.२ माळशिरस जि सोलापूर ३) सुरज लाला पवार रा वालचंदनगर रोड कळंब ता इंदापूर ४) अतुल बाळु तुपे रा इंदिरा नगर कळंब ता इंदापूर जि पुणे ५) ओंकार आनंद वाघमोडे रा ६१ फाटा माळशिरस जि सोलापूर असे नावे कळाले वरून सदर आरोपींना विश्वासात घेवुन चौकशी केली असता त्यांनी एकुण ०८ गुन्ह्यांची कबुली दिली आहे. सदर आरोपींकडुन गुन्ह्याचा कौशल्यपुर्ण सखोल तपास केला असता आरोपींनी ५ गुरनं १) गुरनं ४७८/२०२४ भा.न्या.सं. २०२३ चे कलम ३०३(२), २) गुरनं २३/२०२५ भा.न्या. सं.२०२३ चे कलम ३०३(२), ३) गुरनं २५/२०२५ भा.न्या.सं. २०२३ चे कलम ३०३(२), ४) गुरनं ३१३/ २०२५ भा.न्या.सं. २०२३ चे कलम ३०३ (२) प्रमाणे, ५) गुरनं ४१८/२०२५ भा.न्या. सं.२०२३ चे कलम ३०३ (२) प्रमाणे, ६) गुरनं ४२०/२०२५ भा.न्या.सं. २०२३ चे कलम ३०३(२), ७) गुरनं ४२१/ २०२५ भा.न्या. सं.२०२३ चे कलम ३०३ (२) प्रमाणे ८) गुरनं ४२१/२०२५ भा.न्या.सं. २०२३ चे कलम ३०३ (२) प्रमाणे पंढरपुर शहर पोलीस ठाणे येथे दाखल असलेले गुन्हे केल्याचे कबूली दिली आहे.
सदरची कामगिरी ही सोलापूर जिल्हा ग्रामीणचे पोलीस अधिक्षक अतुल कुलकर्णी, अपर पोलीस अधिक्षक प्रितमकुमार यावलकर, उपविभागीय पोलीस अधिकारी पंढरपूर विभाग डॉ.अर्जुन भोसले,पंढरपूर शहर वरिष्ठ पोलीस निरीक्षक विश्वजीत घोडके यांचे मार्गदर्शनाखाली गुन्हे प्रकटीकरण शाखेचे सहायक पोलीस निरीक्षक आशिष कांबळे, पो.ह.श्री.पाटील, पो.ह.सिरमा गोडसे, पो.ह.प्रसाद औटी,पो.ह.सचिन हेंबाडे,पो.ह.विठ्ठल विभुते,पो.का. कपिल माने, पो.कॉ.निलेश कांबळे,पो.शि. शहाजी मंडले, पो.शि. समाधान माने, पो.कॉ. बजरंग बिचुकले,पो.कॉ.दिपक नवले, पो.कॉ. धनाजी मुटकुळे तसेच सायबर शाखा सोलापुर ग्रामीण चे पो.कॉ.रतन जाधव यांनी केली आहे.
