जिल्हाधिकारी व सिईओ यांचा मुख्यमंत्र्यांच्या हस्ते सन्मान

पंढरपूर पंचायत समितीच्या प्रांगणात निर्मलदिंडी च्या समारोप समारंभात जिल्हाधिकारी कुमार आशिर्वाद व सिईओ कुलदीप जंगम यांचा प्रशस्तीपत्रक देऊन सन्मान करण्यात आला. सातारा व पुणे जिल्ह्याचे सन्मान पत्र विभागीय आयुक्त म्हणून डाॅ.चंद्रकांत पुंडकुलवार यांचेकडे मुख्यमंत्री देवेंद्र फडणवीस यांचे हस्ते सुपूर्द करण्यात आला.या कार्यक्रमाच्या अध्यक्ष स्थानी ग्राम विकास व पंचायत राज मंत्री जयकुमार गोरे हे होते.

हा कार्यक्रम यशस्वी करण्यासाठी कनिष्ठ प्रशासन अधिकारी सचिन सोनकंबळे, जिल्हा कार्यक्रम व्यवस्थापक सचिन जाधव, अधिक्षक अविनाश गोडसे,झेड ए शेख, अधिक्षक शहानवाज तांबोळी,संवाद सल्लागार सचिन सोनवणे,क्षमता बांधणी समन्वयक शंकर बंडगर,सनियंत्रण सल्लागार यशवंती धत्तुरे,वित्त व संपादणूक सल्लागार अर्चना कणकी,क्षमता बांधणी सल्लागार महादेव शिंदे,सांडपाणी सल्लागार प्रशांत दबडे,अल्फीया बिराजदार,सुजाता साबळे, तेजस्विनी साबळे, आनंद मोची,रत्नदीप फडतरे यांनी परिश्रम घेतले.सुत्रसंचालन ऐश्वर्या हिब्बारे यांनी केले.प्रकल्प संचालक सुधीर ठोंबरे यांनी आभार मानले.

सचिन कल्याणशेट्टी यांचा पुढाकार अन पालकमंत्री जयकुमार गोरे यांचा सन्मान

आमदार सचिन कल्याणशेट्टी यांनी मुख्यमंत्री देवेंद्र फडणवीस यांना बोलून ग्रामविकास मंत्री व पालकमंत्री जयकुमार गोरे यांचे मार्गदर्शनाखाली प्रशासनातील अधिकारी यांनी चांगले काम केल्याचे निदर्शनास आणून दिल्यानंतर मुख्यमंत्री देवेंद्र फडणवीस यांनी स्वत:हून पालकमंत्री जयकुमार गोरे यांचा वारकरी फेटा,उपरणे घालून सन्मान केला.पालकमंत्री गोरे यांनी मनाचा मोठेपणा दाखवत जिल्हाधिकारी कुमार आशिर्वाद व सिईओ कुलदीप जंगम यांचा सन्मान करण्याची विनंती मुख्यमंत्री यांच्याकडे केली.पालकमंत्री गोरे यांनी हे काम सफाई कर्मचारी यांच्यापासून विभागीय आयुक्त यांचेपर्यंत सर्वानी परिश्रम घेतले आहेत असे सांगून श्रेय सर्वाना देऊन टाकले.