पत्रकारिता हा व्यवसाय नसून सामाजिक जबाबदारी आहे : उपविभागीय पोलीस अधिकारी प्रशांत डगळे prashant dagale
पत्रकारितेने समाजाला योग्य दिशा द्यावी कारण सकारात्मकतेतूनच पत्रकारितेत यश शक्य – उपविभागीय पोलीस अधिकारी प्रशांत डगळे
पत्रकारिता हा केवळ व्यवसाय नसून समाजाप्रती असलेली जबाबदारी आहे, असे प्रतिपादन पंढरपूर उपविभागीय पोलीस अधिकारी सहाय्यक पोलीस अधीक्षक प्रशांत डगळे prashant dagale यांनी पत्रकार दिनानिमित्त आयोजित कार्यक्रमात केले. पत्रकार भवन येथे झालेल्या या कार्यक्रमात ज्येष्ठ पत्रकार, अधिकारी व मान्यवर उपस्थित होते.
pandharpur PatrakarDin : पंढरपूर |ज्ञानप्रवाह न्यूज,दि.०६/०१/२०२६ -JournalismIs Responsibility पत्रकारिता दिन साजरा करताना पत्रकारितेच्या सामाजिक भूमिकेवर भर देत पत्रकारिता हा व्यवसाय नसून ती एक सामाजिक जबाबदारी आहे, असे प्रतिपादन पंढरपूर उपविभागीय पोलीस अधिकारी प्रशांत डगळे यांनी केले.पंढरपूर शहर व तालुक्यातील सर्व पत्रकार संघटनांच्यावतीने आयोजित पत्रकार दिन कार्यक्रमात ते बोलत होते.
ते पुढे म्हणाले की, आपण युनिव्हर्सकडे जे मागतो ते आपल्याला मिळते, हा आकर्षणाचा नियम आहे. त्यामुळे कोणत्याही क्षेत्रात यश मिळवायचे असेल तर सकारात्मक प्रयत्न करणे अत्यंत आवश्यक आहे. पत्रकारांनी समाजात सकारात्मकता,सत्यता,जबाबदारीची भावना रुजवावी, असेही त्यांनी नमूद केले.
पंढरपूर येथील पत्रकार भवन येथे आयोजित पत्रकार दिनाच्या या कार्यक्रमाच्या अध्यक्षस्थानी ज्येष्ठ पत्रकार नंदकुमार देशपांडे होते तर प्रमुख पाहुणे म्हणून पंढरपूर नगरपरिषदेचे मुख्याधिकारी महेश रोकडे उपस्थित होते.
प्रशांत डगळे यांनी आपल्या प्रशिक्षण काळातील अनुभव सांगताना अमरावती येथील जादूटोणा विरोधी मोहिमा, आदिवासी जीवन तसेच जलद पसरणाऱ्या अफवांमुळे निर्माण होणाऱ्या सामाजिक समस्यांबाबत अनुभव कथन केले. अशा वेळी समाजात जनजागृती करण्यासाठी पत्रकारांची भूमिका अत्यंत महत्त्वाची असल्याचे त्यांनी स्पष्ट केले.
यावेळी बोलताना पंढरपूर नगरपरिषदेचे मुख्याधिकारी महेश रोकडे यांनी पत्रकारांना घरकुल योजनेबाबत सर्वतोपरी सहकार्य करण्याचे आश्वासन दिले.
कार्यक्रमात पत्रकार संघटनांचे नूतन अध्यक्ष शंकर कदम, अभिराज उबाळे, अपराजित सर्वगोड,सतीश बागल, दत्तात्रय देशमुख,रफिक आतार,लखन साळुंखे आणि सोहन जैस्वाल यांचा मान्यवरांच्या हस्ते सत्कार करण्यात आला.
प्रमुख मान्यवरांचे स्वागत अमोल कुलकर्णी यांनी केले. प्रास्ताविक प्रवीण नागणे यांनी मांडले. यावेळी महेश खिस्ते, हरिभाऊ प्रक्षाळे आणि श्रीकांत कसबे यांनी आपली मनोगते व्यक्त केली. कार्यक्रमाचे आभार सतीश बागल यांनी मानले.
