‘जिनांची तुलना सरदार पटेलांशी करता, अखिलेश यादव तालिबानी मानसिकतेचे’


मुरादाबादः उत्तर प्रदेशचे मुख्यमंत्री आदित्यनाथ ( yogi adityanath ) यांनी समाजवादी पक्षाचे प्रमुख आणि माजी मुख्यमंत्री अखिलेश यादव ( akhilesh yadav ) यांच्यावर हल्लाबोल केला आहे. पाकिस्तानचे संस्थापक मोहम्मद अली जिनांवर अखिलेश यादव यांनी केलेल्या वक्तव्यावरून मुख्यमंत्री योगी आदित्यनाथ यांनी पलटवार केला आहे. अखिलेश यादव यांचे वक्तव्य लज्जास्पद आहे. आणि त्यांची तालिबानी मानसिकता आहे, असं मुख्यमंत्री आदित्यनाथ म्हणाले.

मुरादाबादमध्ये प्रधानमंत्री आवास योजनेच्या लाभार्थ्यांचा कार्यक्रम आयोजित करण्यात आला होता. यावेळी योगी आदित्यनाथ अखिलेश यादव यांना प्रत्युत्तर दिलं. ‘सरदार वल्लभभाई पटेल यांची जिनांसोबत तुलना करणे लज्जास्पद आहे. ही तालिबानी मानसिकता आहे. देशातील जनता हे सहन करणार नाही. जनतेने फुटीरतावादी विचार नाकारले आहे. जिनांची पटेलशी तुलना करणाऱ्या अखिलेश यादव यांनी जनतेची माफी मागावी, अशी मागणी मुख्यमंत्री योगींनी केली.

पूर्वीच्या सरकारमध्ये बसलेले नेते समाजात फूट पाडण्यात व्यग्र होते. त्यांची फुटीरतावादी प्रवृत्ती अजून गेलेली नाही. समाजवादी पक्षाच्या राष्ट्रीय अध्यक्षांचं ( अखिलेश यादव ) बोलणं आपण काल ऐकत होतो. भारताला एकजूट करणाऱ्या सरदार वल्लभभाई पटेल यांची तुलना त्यांनी ( अखिलेश यादव ) पाकिस्तानचे संस्थापक जीनांशी केली, असं मुख्यमंत्री योगी म्हणाले.

‘समाजवादी पक्षाच्या राष्ट्रीय अध्यक्षांचे वक्तव्य अत्यंत लाजिरवाणे आहे. सरदार वल्लभभाई पटेल हे भारताच्या एकता आणि अखंडतेचे शिल्पकार आहेत. समाजवादी पक्षाच्या प्रमुखांची फुटीरतावादी मानसिकता चव्हाट्यावर आली. सरदार वल्लभभाई पटेल यांची तुलना त्यांनी जिनांशी केली’, असं ते म्हणाले.

akhilesh yadav news: अखिलेश यादव यांची मोठी घोषणा, ‘आगामी यूपी विधानसभा निवडणूक लढवणार नाही’

काय म्हणाले होते अखिलेश यादव?

‘महात्मा गांधींसोबतच जवाहरलाल नेहरू, सरदार पटेल आणि जिना हे बॅरिस्टर म्हणून एकाच संस्थेतून बाहेर पडले. स्वातंत्र्यासाठी एकत्र लढले आणि देशाला स्वातंत्र्य दिले. त्यांची विचारसरणी सारखीच होती. लोहपुरुष सरदार वल्लभभाई पटेलांनी राष्ट्रीय स्वयंसेवक संघावर (RSS) बंदी घातली होती, असं अखिलेश यादव म्हणाले.

UP Elections: …तर तालिबानविरुद्ध एअरस्ट्राईक निश्चित, योगींनी भरला दम



Source link

Leave a Reply

Your email address will not be published. Required fields are marked *

%d bloggers like this: