शेतकऱ्यांना वेळेत बियाणे, खते उपलब्ध करून द्यावीत : आमदार अभिजीत पाटील
पंढरपूर येथे तालुकास्तरीय खरीप हंगामपुर्व नियोजनाची आमदार अभिजीत पाटील यांच्या अध्यक्षतेखाली बैठक संपन्न
पंढरपूर / ज्ञानप्रवाह न्यूज – केंद्र व राज्याच्या योजनांचा लाभ अधिकाधिक शेतकऱ्यांपर्यंत पोहोचावा यासाठी तालुका प्रशासन व कृषी विभागाने एकत्रितपणे काम करावे तसेच शेतकऱ्यांना वेळेत बियाणे व खत कसे उपलब्ध होईल याबाबतही नियोजन करण्याच्या सूचना माढा चे आमदार अभिजीत पाटील यांनी दिल्या.
आमदार अभिजीत पाटील यांच्या अध्यक्षतेखाली पंढरपूरात तालुकास्तरीय खरीप हंगामपुर्व नियोजन बैठक सिंहगड काॅलेज कोर्टी ता.पंढरपूर येथे संपन्न झाली. खरीप हंगामाच्या पूर्व तयारीचा आढावा घेण्यासाठी ही बैठक आयोजित करण्यात आली.
या बैठकीला पंढरपूर कृषी अधिकारी बाळासाहेब लांडगे, तहसीलदार सचिन लंगुटे, गटविकास अधिकारी सुशील संसारे, माजी नगराध्यक्ष सुभाष भोसले यांच्यासह अन्य अधिकारी उपस्थित होते.
आमदार पाटील म्हणाले की,आताचे युग हे आधुनिक तंत्रज्ञानाचे असून कृषीच्या सर्व कर्मचाऱ्यांनी AI तंत्रज्ञानाचे सविस्तर प्रशिक्षण कृषी विज्ञान केंद्र बारामती येथे घ्यावे. तसेच गावोगावी, वाडीवस्तीवर योजनांचे QR कोड बोर्ड लावावेत, जमीन सुपीकता बोर्ड लावण्याविषयी सांगितले.
केंद्रातील योजनांचा लाभ अधिकाधिक शेतकऱ्यांपर्यंत पोहोचावा यासाठी तालुका प्रशासन व कृषी विभागाने एकत्रितपणे काम करावे तसेच शेतकऱ्यांना वेळेत बियाणे व खत कसे उपलब्ध होईल याबाबतही नियोजन करण्याच्या सूचना आमदार अभिजीत पाटील यांनी दिल्या.
यावेळी ३१ वेगवेगळ्या मोहिमांची माहिती शेतकऱ्यांना देत तालुका कृषी अधिकारी सुर्यकांत मोरे यांनी खरीप हंगाम नियोजनाचे सादरीकरण केले.
उपस्थित शेतकऱ्यांच्या शंकाचे निरसन करण्यात आले.यावेळी MREGS फळबाग लागवड योजनेत उत्कृष्ट कामगिरी केलेल्या प्रगतशील शेतकरी धनराज खोत, आनंद ढवळे, सुहास यादव यांचा आमदार अभिजित पाटील यांच्या हस्ते सत्कार करण्यात आला.
