सहाय्यक पोलीस अधिक्षक प्रशांत डगळे भा.पो.से.यांची जुगार अड्ड्यावर कारवाई
१ लाख ५६ हजार २४७ रू.चा मुद्देमाल जप्त
पंढरपूर/ज्ञानप्रवाह न्यूज,दि.०७/१०/२०२५ – दि. ०६/१०/२०२५ रोजी सहाय्यक पोलीस अधीक्षक भा.पो.से. प्रशांत डगळे पंढरपूर उपविभाग पंढरपूर यांना मिळालेल्या बातमीनुसार मौजे चळे ता.पंढरपूर या गावात शिवाजी पवार ऑनलाईन सर्व्हिसेस नावाचे गाळ्यामध्ये एजंट शिवाजी नागनाथ पवार हा लोकांकडून पैसे लावून कल्याण मटका या नावाने संभाव्य येणाऱ्या अंक आकड्यावर मटका घेत असताना पोलीस पथकाने छापा मारला.
छापा कारवाईत इसम शिवाजी नागनाथ पवार वय ३२ वर्षे (एजंट),दिनकर गोविंद मोरे वय ६५ वर्षे, मच्छिंद्र नामदेव कांबळे वय ६० वर्षे, काकासाहेब गजानन चौगुले वय ४९ वर्षे,पंढरीनाथ नागनाथ कदम वय ५२ वर्षे,रामकृष्ण विठोबा शिखरे वय ७३ वर्षे,रामभाउ सिध्देश्वर मोरे वय ३० वर्षे सर्व रा.चळे ता.पंढरपूर,नितीन मच्छिंद्र शिंदे वय ४० वर्षे,नासिर महम्मद शेख वय ५० वर्षे दोघे रा.आंबे, ता.पंढरपूर असे मिळून आले. त्यांचे कब्जातील ९५,०७७/- रोख रक्कम, ०६ मोबाईल व जुगाराचे साहित्य असा एकुण १,५६,२४७/०० रू. किंमतीचा मुद्देमाल मिळून आला.म्हणून पोकॉ/१४२३ राहुल हनुमंत लोंढे यांनी एजंट शिवाजी नागनाथ पवार, बुकी मालक कल्याण भोसले रा.सरकोली आणि वरील नमूद इतर ०८ इसमांविरूध्द सरकारतर्फे मु.जू.ॲ.क. १२ (अ) प्रमाणे फिर्याद दिलेली आहे.
सदरची कारवाई ही सहाय्यक पोलीस अधीक्षक भा.पो.से. प्रशांत डगळे पंढरपूर उपविभाग पंढरपूर यांचे मार्गदर्शनाखाली पोना/४२७ शिंदे, पोकॉ/२११० हुलजंती, पोकॉ/१४२३ राहुल लोंढे,सपोफौ जनार्धन करे, पोहेकॉ/१७९२ दिपक भोसले आणि पोकॉ/२०२० संजय गुटाळ यांनी पार पाडली.
