हेल्थकेअर क्षेत्रात गुंतवणूक संधी;बिर्ला म्युच्युअल फंडाने सादर केला निफ्टी हेल्थकेअर ईटीएफ


मुंबई : आदित्य बिर्ला सन लाईफ म्युच्युअल फंडाने निफ्टी हेल्थकेअर ईटीएफ या नव्या गुंतवणूक योजनेची घोषणा केली आहे. हा एक ओपन एंडेड एक्सचेंज ट्रेडेड फंड आहे. ही योजना ८ ऑक्टोबर रोजी खुली झाली असून २० ऑक्टोबर २०२१ पर्यंत गुंतवणूकदारांना यात गुंतवणूक करता येईल, असे कंपनीने म्हटलं आहे.

दीर्घकाळात हेल्थकेअर क्षेत्रातील संधीचा लाभ घेण्याच्या दृष्टीने या ईटीएफ योजनेची रचना करण्यात आली आहे. ज्यातून या क्षेत्रात गुंतवणुकीचा ओघ वाढेल. आदित्य बिर्ला सन लाईफ हेल्थकेअर ईटीएफ गुंतवणूकदारांना विविध इंडेक्स आणि त्याच्याशी संबंधित क्षेत्रापर्यंत पोहोचवण्यास मदत करेल. ज्यात मजबूत वृद्धीच्या संधी आहेत आणि हे क्षेत्र अर्थव्यवस्थेचा प्रमुख हिस्सा असेल.

पेट्रोल-डिझेलचा भडका; मुंबईत डिझेलने गाठली शंभरी, सलग सहाव्या दिवशी दरवाढीचा झटका
निफ्टी हेल्थकेअर इंडेक्समध्ये जास्तीत जास्त २० ट्रेड करणारे स्टॉक आहेत. त्यांचे एक्सचेंजमधील सूचीबद्ध कंपन्यांशी आणि सर्वच क्षेत्रात अॅलोकेशन असते. यात फार्मा , हॉस्पिटल्स, वैद्यकीय उपकरणे आणि पुरवठा, लॅबोरेटरीज आणि निदान तसेच वैद्यकीय विम्याशीसंबंधी कंपन्यांचा समावेश आहे. या इंडेक्समध्ये फ्री फ्लोट मार्केट कॅपिटलायझेशनचा अवलंब केला जातो. दर सहा महिन्यांची यात निवड केली जाते.

हेल्थकेअरमधील महसूल, निर्यात आणि रोजगार निर्मितीचे भारतातील एक महत्वाचे औद्योगिक क्षेत्र आहे, असे मत आदित्य बिर्ला सन लाईफ असेट मॅनेजमेंट कंपनीचे व्यवस्थापकीय संचालक आणि मुख्य कार्यकारी अधिकारी ए. बालासुब्रमणियन यांनी व्यक्त केले. ते म्हणाले की या क्षेत्रात झालेली वाढ ही बाजारात हेल्थकेअर कंपन्यांच्या वृद्धीचे चित्र दर्शवते. निफ्टी हेल्थकेअर इंडेक्स आपल्या मूळ तारखेच्या तुलनेत ९ पटीने वाढला आहे. याच कालावधीत निफ्टी ८ पटीने वाढला आहे. या इंडेक्सने ३ आणि १० वर्षांमध्ये १० टक्क्यांहून अधिक परतावा दिला आहे.

एअर इंडिया स्वगृही ; रतन टाटांनी केलं स्वागत, म्हणाले आज जेआरडी असते तर…
हा पॅसिव्ह फंड आहे. हा फंड गुंतवणूक प्रमाण कमी करतो आणि गरजेनुसार योग्य शेअरची निवड करतो. या क्षेत्रातील वृद्धीचा लाभ घेण्यासाठी गुंतवणूककारांसाठी हेल्थकेअर ईटीएफ एक सोप्पा मार्ग आहे. हेल्थकेअर क्षेत्र सदृढ अर्थव्यवस्थेची पायाभरणी करण्यास योगदान देते, असे ए. बालासुब्रमणियन यांनी सांगितले.

RBI ची मोठी घोषणा; डिजीटल व्यवहारांना दिले प्रोत्साहन, ‘IMPS’ बाबत घेतला हा निर्णय
निती आयोगाच्या २०२१ च्या अहवालानुसार फार्मा क्षेत्राची वृद्धी २०३० पर्यंत १२.८८ लाख कोटी रुपयांपर्यंत वाढण्याचा अंदाज आहे. सध्या फार्मा क्षेत्राची एकूण बाजार पेठ ४.८४ लाख कोटी आहे. यातील प्रचंड वृद्धी मागील कारणे म्हणजे लोकांच्या उत्पन्नात झालेली वाढ, आरोग्य विम्याबाबत झालेली जनजागृती आणि विम्याचा प्रसार ही आहेत. सरकारचा उद्देश हा २०२५ पर्यंत हेल्थकेअर क्षेत्राचा खर्च जीडीपीच्या तुलनेत २.५ टक्क्यांपर्यंत वाढवण्याचा आहे. त्याचबरोबर भारताला हेल्थकेअरचे जागतिक केंद्र बनवण्याचे लक्ष्य आहे.

या सर्व गोष्टींचा विचार केला असता असे लक्षात येईल की हेल्थकेअर क्षेत्र एका मजबूत वृद्धीच्या दिशेने आगेकूच करण्याच्या तयारीत आहे. आदित्य बिर्ला सन लाईफ हेल्थकेअर ईटीएफ गुंतवणूकदारांना या क्षेत्रात दीर्घकालीन लाभ मिळवून देण्याचा पर्याय देत आहे. या योजनेत किमान ५०० आणि त्यानंतर १०० रुपयांच्या पटीत गुंतवणूक करता येऊ शकते.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: