VIDEO: लखीमपूर हिंसाचाराचा आणखीन एक धक्कादायक व्हिडिओ समोर, ‘मंत्रीपुत्राचा’ही उल्लेख


हायलाइट्स:

  • लखीमपूर हिंसाचाराचा आणखीन एक व्हिडिओ समोर
  • पोलीस अधिकाऱ्याकडून हातात माईक घेऊन जखमी व्यक्तीची चौकशी
  • काळ्या रंगाच्या फॉर्च्युनरमधून घटनास्थळी आल्याचा जखमी व्यक्तीचा दावा

नवी दिल्ली : उत्तर प्रदेशच्या लखीमपूर खीरी भागात रविवारी घडून आलेल्या हिंसाचारानंतर आजही तणाव कायम आहे. या घटनेचा नुकताच एक नवा व्हिडिओ समोर आला आहे. या व्हिडिओत एक पोलीस अधिकारी एका जखमी व्यक्तीसमोर माईक धरून त्याच्याकडून माहिती घेण्याचा प्रयत्न करताना दिसत आहे.

आंदोलक शेतकऱ्यांना गाडीखाली चिरडण्याच्या घटनेनंतर भडकलेल्या हिंसाचारात जखमी झालेल्या अनेकांपैंकी एक तरुण व्हिडिओत दिसतोय. या घटनेत एकूण नऊ जणांचा समावेश होता. यात एका पत्रकाराचाही समावेश आहे. केंद्रीय गृहराज्यमंत्री अजय मिश्रा टेनी यांचा मुलगा आशिष मिश्रा याच्यावर शेतकऱ्यांना गाडीखाली चिरडण्याचा आरोप प्रत्यक्षदर्शींकडून करण्यात येतोय.

या व्हिडिओत, रक्तबंबाळ अवस्थेत एक जखमी व्यक्ती दिसून येतेय. पोलीस अधिकारी हातात माईक घेऊन या व्यक्तीची चौकशी करताना दिसून येतोय. लखनऊच्या चारबाग भागाचा रहिवासी असल्याचं या व्यक्तीनं म्हटलंय. जखमी व्यक्ती भेदरलेल्या अवस्थेत दिसून येत आहे.

काळ्या रंगाच्या एका फॉर्च्युनर गाडीत आपण इतर चार लोकांसहीत उपस्थित होतो, असं या व्यक्तीनं म्हटलंय. गाडीच्या मागच्या सीटवर बसल्याचं सांगतानाच ही गाडी काँग्रेसच्या एका माजी खासदाराची असल्याचंही त्यानं म्हटलंय.

यामुळे, या व्हिडिओच्या माध्यमातून भाजप नेत्यांकडून काँग्रेसवर प्रश्नचिन्ह उपस्थित करण्यात येत आहेत.

Lakhimpur Violence: मुलावर हत्येचा आरोप, केंद्रीय मंत्री अजय मिश्रांनी घेतली गृहमंत्री अमित शहांची भेट
lakhimpur kheri incident : केंद्रीय मंत्र्यांची कबुली; म्हणाले, ‘ज्या कारने चिरडलं ती आमचीच, पण…’
‘पुढे आणखीन एक गाडी होती ती कुणाची होती?’ असा पोलीस अधिकाऱ्यानं जखमी व्यक्तीला प्रश्न विचारला यावर ‘माहीत नाही’ असं उत्तर त्यानं दिलं.

‘थार गाडीसोबत कोण होतं, हे तरी सांग?’ या पोलीस अधिकाऱ्याच्या प्रश्नावर ‘भैय्या के साथ थी’ असं उत्तर दिलं. ‘भैय्या’ या शब्दाचा वापर केंद्रीय मंत्री अजय मिश्रा यांचा मुलगा आशिष मिश्रा याच्यासाठी करण्यात येतो. यापूर्वी व्हायरल झालेल्या व्हिडिओत काळ्या रंगाच्या ‘महिंद्रा थार’ एसयूव्ही गाडीनं शेतकऱ्यांना चिरडल्याचं दिसून आलं होतं. या गाडीच्या मागोमाग एक काळ्या रंगाची फॉर्च्युनर गाडीही होती.

‘महाराष्ट्र टाईम्स’ सोशल मीडियावर व्हायरल होणाऱ्या या व्हिडिओची स्वतंत्रपणे या व्हिडिओची पुष्टी करत नाही.

Lakhimpur Violence: प्रियांका, राहुल गांधींसहीत तीन नेत्यांना लखीमपूर जाण्याची परवानगी
Rahul Gandhi: ‘पत्रकार ज्या पद्धतीनं विरोधकांना प्रश्न विचारतात ते लोकशाहीत नाही हुकूमशाहीत विचारले जातात’



Source link

Leave a Reply

Your email address will not be published. Required fields are marked *

%d bloggers like this: